Կոֆեինը բարելավում է անհաս երեխաների թոքերի վիճակը

15 հուլիսի, 2017  20:56

Կոֆեինն օգնում է բարելավել անհաս երեխաների թոքերի ֆունկցիան, որի էֆեկտը նկատելի է լինում շատ տարիներ հետո: Այս մասին հայտնում են Royal Women's Hospital (Մելբուռն) գիտնականները:

Գիտնականները վերլուծել են 11 տարեկան 142 երեխաների առողջական վիճակը, որոնք նախկինում մասնակցել են մեկ այլ հետազոտության: Նրանք բոլորը ոչ ուշ, քան լույս աշխարհ գալուց հետո 10 օր անց կշռվել են, եւ այդ պահին նրանց քաշը կազմել է 800 գրամից մինչեւ 1,5 կգ: Ավելի ուշ այս երեխաներին 43 շաբաթվա ընթացքում տվել են կամ կոֆեին, կամ պլացեբո: 11 տարի հետո երեխաները շնչառության ծավալի չափման թեստ են անցել: Դրանից բացի, նրանց ծնողները պատմել են իրենց երեխաների թոքերի առողջության մասին:

Հետազոտության արդյունքները ցույց են տվել, որ կոֆեին ստացած երեխաները զգալիորեն ավելի լավ են հաղթահարել շնչառության թեստերը, քան այն երեխաները, որոնք պլացեբո են ստացել: Նրանք նաեւ շոշափելիորեն ավելի լավ են արտաշնչել ստիպողաբար շնչելու դեպքում:

Կոֆեինը պատկանում է մեթիլկսանտին կոչվող դեղերի խմբին, որոնք անհաս երեխաների մոտ  նվազեցնում են ապնոէի արտահայտվածությունը: Այս վտանգավոր խանգարման հետեւանքով փոքրիկները կարճ ժամանակահատվածներով դադարում են շնչել:

Կոֆեինը համարվում է թոքային համակարգի խթանիչ, որը բարելավում է կարճաժամկետ շնչառությունը եւ թոքերի կծկվելու ու ընդարձակվելու հատկությունը: Նմանատիպ բարելավումները կապված են անհաս երեխաների մոտ թոքերի արհեստական օդափոխության անհրաժեշտության նվազեցման հետ:

Հետևեք NEWS.am Medicine-ին Facebook-ում և Twitter-ում

loading...
 

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ինչպե՞ս կարելի է իմանալ, որ մարդը ՄԻԱՎ-վարակ ունի:
1. ՄԻԱՎ-ով մարդը մշտապես հոգնածություն եւ քնկոտություն է զգում:
2. ՄԻԱՎ-ով մարդու մազերը ավելի վաղ են սպիտակում, քան մյուս մարդկանց դեպքում:
3. Եթե մարդու մոտ առկա է ՄԻԱՎ, դա նրա արտաքինից է երեւում:
4. ՄԻԱՎ-ի առկայության կամ բացակայության մասին կարելի է իմանալ միայն հատուկ անալիզ հանձնելուց հետո:
5. ՄԻԱՎ-ով տառապող մարդու մարմնին կապուտկները հեշտ են առաջանում: