• Latest news

Ռուսաստանում հեռաբժշկության մասին օրենք են ընդունել

25 հուլիսի, 2017  19:58

ՌԴ Դաշնային խորհուրդը հուլիսի 25-ին հավանության է արժանացրել հեռաբժշկության մասին օրենքը: Այն ուժի մեջ կմտնի 2018 թվականի հունվարի 1-ից:

Օրենքը թույլ կտա հեռաբժշկության տեխնոլոգիաները կիրառել՝ հիվանդության ախտորոշման, կանխարգելման, հիվանդի առողջական վիճակի մոնիթորինգի հարցերով խորհրդատվություն անցկացնելու համար:

Ռուսաստանում Միասնական պետական տեղեկատվական համակարգ կստեղծվի, որին կմիանան առողջապահական ոլորտի բոլոր հաստատությունները: Երկրի առողջապահության նախարարության մասնագետների գնահատմամբ՝ այս համակարգի ստեղծման եւ զարգացման համար տարեկան շուրջ 750 մլն ռուբլի բյուջետային ներդրումներ են անհրաժեշտ:

Միասնական պետական տեղեկատվական համակարգը կապահովի էլեկտրոնային բժշկական քարտերի ձեւավորումը, ինչպես նաեւ հազվադեպ հիվանդություններով տառապող հիվանդների գրանցումը: Օրենքում սահմանվում են համակարգի օպերատորը, դրա կազմը, գործունեության հիմքերն ու տեղեկատվական այլ համակարգերի հետ փոխգործակցությունը, ինչպես նաեւ տեղեկատվություն տրամադրողներն ու դրանից օգտվողները:

Նոր օրենքը մեկ միասնական համակարգում կմիավորի տարածաշրջանային ծրագրերն ու «հեռաբժշկության հատվածները»: Օրենքը նաեւ հաստատում է էլեկտրոնային դեղատոմսերի տրամադրման հնարավորությունը, որոնց միջոցով հնարավոր կլինի թմրանյութ եւ հոգեմետ նյութեր պարունակող դեղորայք ստանալ: 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է