• Latest news

Մոսկվայում բժիշկները վիրահատությունից հետո երեք երեխաների մորը վռնդել են հիվանդանոցից. կինը մահացել է

3 օգոստոսի, 2017  16:49

Մոսկվայի №68 հիվանդանոցի գինեկոլոգիական բաժանմունքի բժիշկները, հոգնելով մշտապես ուժեղ ցավերի մասին կնոջ բողոքներից, անվտանգության ծառայության աշխատակիցներին կարգադրել են կնոջը փողոց շպրտել, գրում է «Дни.ру»:

41-ամյա Մարիա Սելյուտինան ոչ շատ բարդ վիրահատության է ենթարկվել, բայց վիրահատության ժամանակ նրա աղիները պատահմամբ ծակել են: Դրանից հետո նրա վիճակը կտրուկ վատացել է. որովայնում սուր ցավեր են սկսվել, շնչահեղձություն է ունեցել: Բժիշկներին ձանձրացրել են կնոջ բողոքները, եւ նրան վռնդել են բուժհաստատությունից: Ժամանակին բուժօգնություն չստացած կինը՝ երեք երեխաների մայր, ավելի ուշ վերակենդանացման բաժանմունքում մահացել է:

Նրա ամուսինը հաղորդել է, որ կինը մի քանի օր որովայնի շրջանում ուժեղ ցավերից է բողոքել: ՈւՁՀ արել են վիրահատությունից երեք օր անց միայն, բայց այդպես էլ ոչինչ չեն հայտնաբերել: Մինչ այդ ուժեղ ցավերը չեն դադարել:

Անդրեյ Սելյուտինը պատմել է, որ բժիշկներն իրենց ասել են, որ խանգարում են աշխատել, եւ անվտանգության ծառայության աշխատակիցների օգնությամբ իրենց պարզապես վռնդել են հիվանդանոցից:

Ավելի ուշ կնոջը վերակենդանացման բաժանմունք են հասցրել, որտեղ էլ երկրորդ վիրահատության ժամանակ հայտնաբերել են աղիների կտրվածքը, ինչը սեփսիսի է հանգեցրել: Մարիայի աղիներից 20 սմ հեռացրել են, որովայնային խոռոչի լվացում արել, բայց ոչինչ այլեւս չի օգնել. գիտակցության չգալով՝ կինը մահացել է:

Անդրեյ Սելյուտինը դատաբժշկական փորձաքննության եզրակացության մեջ հասակություններ է նկատել: Փաստաթղթերում նշվում է, որ կնոջ ուղեղը դադարել է գործել (կոմայի մեջ է ընկել) հուլիսի 23-ին, իսկ նրան վիրահատել են միայն հուլիսի 29-ին:

Նա նաեւ պատմել է, որ հիվանդանոցի բժիշկներն իրեն խորհուրդ են տվել նախ հուղարկավորել կնոջը, իսկ հետո պարզել նրա մահվան հանգամանքները: Տղամարդը դիմում է ներկայացրել Քննչական կոմիտե:

Մարիան երեք երեխա ունի, որոնցից ամենափոքրը 1.5 տարեկան է:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է