Քաղցկեղից բուժվելու կապակցությամբ խնջույք կազմակերպած տղամարդը ընկել է ժայռից ու մահացել (ֆոտո)

7 օգոստոսի, 2017  22:40

Տղամարդը, որը երկար ժամանակ պայքարել է ծանր քաղցեղի դեմ ու հաղթել այն, ուրախությունից տոնակատարություն է կազմակերպել ընկերների հետ, որի ժամանակ ընկել է ժայռից ու մահացել։

Երեք երեխաների հայր 31-ամյա Ադամ Ֆենթոնը՝ Մեծ Բրիտանիայից, ավարտել էր արյան քաղցկեղի բուժման համար քիմիաթերապիայի 6 ամսվա բուժումը։ Չնայած բժիշկները վստահ էին, որ այդ տղամարդուն այլեւս ոչինչ չի օգնի՝ այդ բուժումն ավարտելուց հետո անալիզները ցույց են տվել, որ նրա օրգանիզմում այլեւս լեյկոզի հետքեր չկան։ Ինչ-որ անհավանական հրաշքով Ադամը հաղթել է ծանրագույն քաղցկեղը, ու նրան հայտնել են, որ նա փաստացի ռեմիսիայի վիճակում է։ Այս տարվա հուլիսի 28-ին տղամարդը «այն աշխարհից վերադառնալու» կապակցությամբ իր ընկերների հետ միասին հավաքույթ է կազմակերպել Նյուքի լողափի ժայռերից ոչ հեռու։

Ֆենթոնը մտադիր էր մոտ ժամանակներս ամուսնանալ իր սիրեցյալի հետ, հարսանիքին պետք է մասնակցեին նաեւ նրա երկու հարազատ դստրերը ու  որդեգրած դուստրը։ Սակայն տղամարդը, ըստ ամենայնի, իր հրաշագործ վերակենդանացումն այնքան բուռն է տոնել, որ կորցրել է զգուշավորության բոլոր նշույլները։ Նրա մարմինը հայտնաբերել են ժայռերից մեկի ստորոտին, որից նա ընկել էր՝ դժբախտ պատահարի հետեւանքով։

«Նա իր սարսափելի ախտորոշման մասին 9 ամիս առաջ էր իմացել, դա լեյկոզի ամենաագրեսիվ տեսակներից մեկն էր, ընդ որում հիվանդությունը ախտահարել էր սիրտը, թոքերը ու ավշային հանգույցները,- պատմում է Ադամի հարսնացուի մայրը,- Բոլոր կանխատեսումները չափազանց տխուր էին, բայց նա անցել էր քիմիաթերապիայի 6 ամսվա բուժում, ու ի զարմանս բոլոր մասնագետների՝ հաղթել քաղցեղը։ Մենք այդ հաղթանակը տոնում էինք ամբողջ սրտով, ու ոչ ոք չէր կարող պատկերացնել, որ Ադամը կմահանա այդքան անհեթեթ ձեւով ու իր կյանքի նման ուրախալի իրադարձությունից հետո»։

 

 

Հետևեք NEWS.am Medicine-ին Facebook-ում և Twitter-ում

loading...
 

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ինչպե՞ս կարելի է իմանալ, որ մարդը ՄԻԱՎ-վարակ ունի:
1. ՄԻԱՎ-ով մարդը մշտապես հոգնածություն եւ քնկոտություն է զգում:
2. ՄԻԱՎ-ով մարդու մազերը ավելի վաղ են սպիտակում, քան մյուս մարդկանց դեպքում:
3. Եթե մարդու մոտ առկա է ՄԻԱՎ, դա նրա արտաքինից է երեւում:
4. ՄԻԱՎ-ի առկայության կամ բացակայության մասին կարելի է իմանալ միայն հատուկ անալիզ հանձնելուց հետո:
5. ՄԻԱՎ-ով տառապող մարդու մարմնին կապուտկները հեշտ են առաջանում: