«Աստղիկ» ԲԿ-ի բժիշկները երկրորդ անգամ փրկել են դանակահարված սրտով մարդու

9 օգոստոսի, 2017  16:47

«Աստղիկ» բուժկենտրոնի բժիշկները փրկել են դանակահարված սրտով տղամարդու կյանքը: Միջին տարիքի տղամարդը բուժկենտրոն է տեղափոխվել գիշերը ժամը 02:00-ին, պարանոցի, դեմքի եւ կրծքավանդակի շրջանում կտրած-ծակած վնասվածքներով:

NEWS.am Medicine-ի թղթակցի հետ զրույցում կարդիովիրաբույժ Մհեր Սուսանին հայտնեց, որ վիրավորի մասին տեղեկությունը ստանալուց տասը րոպե անց արդեն հիվանդանոցում էր:

Տղամարդու սիրտը պատռված է եղել, սրտապարկում մեծ քանակությամբ արյուն է կուտակվել: Նման դեպքերում կարեւորն ամեն ինչ արագ հասցնելն է, քանի դեռ սիրտը կանգ չի առել: «Աստղիկ» ԲԿ-ի կարդիովիրաբույժներին դա հաջողվել է: Տղամարդուն դրենաժ են արել, սիրտը կարել են: Վիրավորի գիտակցությունը հիմա տեղն է, նա կարողանում է խոսել:

Սրտի վիրահատությունից բացի՝ պլաստիկ վիրաբույժները նաեւ կարել են տղամարդու ձեռքի, պարանոցի եւ շրթունքի պատռվածքները:

Նշենք, որ սա երկրորդ դեպքն է, երբ «Աստղիկ» ԲԿ-ի մասնագետները դանակահարված սրտով մարդու են փրկում: Առաջինը դեղատան երիտասարդ աշխատակից էր, որին բուժկենտրոն էին տեղափոխել փետրվարի 16-ի երեկոյան, աշխատավայրում հարձակման ենթարկվելուց հետո:

Մասնագետների խոսքով՝ նման վիրավորում ունեցող մարդիկ հազվադեպ են ողջ մնում. նրանք կա՛մ մահանում են արյան կորստից, կա՛մ սրտի կաթվածից:

 

NEWS.am Medicine

loading...
 

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ինչպե՞ս կարելի է իմանալ, որ մարդը ՄԻԱՎ-վարակ ունի:
1. ՄԻԱՎ-ով մարդը մշտապես հոգնածություն եւ քնկոտություն է զգում:
2. ՄԻԱՎ-ով մարդու մազերը ավելի վաղ են սպիտակում, քան մյուս մարդկանց դեպքում:
3. Եթե մարդու մոտ առկա է ՄԻԱՎ, դա նրա արտաքինից է երեւում:
4. ՄԻԱՎ-ի առկայության կամ բացակայության մասին կարելի է իմանալ միայն հատուկ անալիզ հանձնելուց հետո:
5. ՄԻԱՎ-ով տառապող մարդու մարմնին կապուտկները հեշտ են առաջանում: