Գիտնականները սմարթֆոնը վերածել են ախտորոշիչ լաբորատորիայի

12 օգոստոսի, 2017  13:34

Ամերիկացի գիտնականները մշակել են հատուկ շարժական սարք, որը թույլ է տալիս սմարթֆոնին կատարել լաբորատոր բժշկական ախտորոշիչ թեստեր, որոնք սովորաբար պահանջվում են մեծ թանկարժեք գործիքների առկայություն։

Իլինոյսի համալսարանից պրոֆեսոր Բրայան Քանինգհեմի թիմը ստեղծել է հաղորդիչ-անդրադարձիչ ինտեսիվության անալիզատոր (TRI Analyzer)՝ 550 դոլար արժողությամբ։ Սարքը միացվում է սմարթֆոնին ու ստուգում արյան ,մեզի կամ թքի նմուշները՝ թանկարժեք լաբորատոր սարքավորությումների թեստերի արդյունքներին համարժեք ճշգրտությամբ։ 

«Մեր սարքը կարելի է կոչել շվեյցարական բանակային դանակ՝ բիոսենսորների ոլորտում,- ասել է Քաննիգհեմը,- Այն ունակ է անալիզների 3 հիմնական տեսակներ կատարել։ Դա թույլ է տալիս սարքը հարմարեցնել հազարավոր գոյություն ունեցող թեստերի»։

Տեխնոլոգիան ներկայացված է Lab on a Chip-ում։

Հետազոտողները սարքը օգտագործել են վաղաժամ ծննդաբերության հետ կապակցված բիոմարկերի բացահայտման ու նորածինների ֆենիլկետոնուրիայի թեստի համար, որը որոշում է նորմալ աճի ու զարգացման համար ֆերմենտի առկայությունը։ Արդյունքները համադրելի են եղել սոովորական լաբորատոր սարքերի ցուցանիշների հետ։

TRI Analyzer-ը օգտագործում է սմարթֆոնի տեսախցիկը, այն վերածելով արդյունավետ սպեկտրոմետրի։ Մասնավորապես այն լուսավորում է հեղուկի նմուշը հեռախոսի սպիտակ լուսադիոդով կամ էլ ոչ թանկարժեք արտաքին կանաչ լազերային դիոդով։ Լույսը հավաքվում է օպտային մանրաթելով ու դիֆրակցիոն վանդակի միջով ուղղվում դեպի սմարթֆոնի առջեւի տեսախցիկ։ Բոլոր օպտիկական բաղադրիչները տեղադրված են 3D փրինթերով տպագրված պլաստիկ շրջանակի վրա։ Սարքն ունակ է միաժամանակ վերլուծել մի քանի նմուշներ՝ միկրոհեղուկային շարժական քարթրիջի օգնությամբ։

NEWS.am Medicine

loading...
 

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ինչպե՞ս կարելի է իմանալ, որ մարդը ՄԻԱՎ-վարակ ունի:
1. ՄԻԱՎ-ով մարդը մշտապես հոգնածություն եւ քնկոտություն է զգում:
2. ՄԻԱՎ-ով մարդու մազերը ավելի վաղ են սպիտակում, քան մյուս մարդկանց դեպքում:
3. Եթե մարդու մոտ առկա է ՄԻԱՎ, դա նրա արտաքինից է երեւում:
4. ՄԻԱՎ-ի առկայության կամ բացակայության մասին կարելի է իմանալ միայն հատուկ անալիզ հանձնելուց հետո:
5. ՄԻԱՎ-ով տառապող մարդու մարմնին կապուտկները հեշտ են առաջանում: