• Latest news

Ֆրուկտոզայից հրաժարվելը կարող է մի քանի օրում բուժել դիաբետը

12 օգոստոսի, 2017  23:04

Հրաժարվելով ֆրուկտոզայի մեծ քանակություն պարունակող եգիպտացորենի օշարակից, որը պարունակվում է գազավորված ըմպելիքներում ու քաղցրավենիքներում, կարելի է ընդամենը 8 օրում բուժել ճարպակալումը, ճարպային հեպատոզն ու դիաբետը, վստահեցնում են Քալիֆորնիայի Touro University-ի ամերիկացի գիտնականները։

Հետազոտողները ճարպակալումով տառապող 40 երեխաների խնդրել են ամբողջությամբ բացառել ֆրուկտոզան իրենց սննդակարգից։ Ընդամենը մեկ շաբաթում պարզվել է, որ բոլոր երեխաների մոտ նվազել է խոլեստերինի, զարկերակային ճնշման ու լյարդի մեջ ճարպի ցուցանիշները։ Ֆրուկտոզայի բարձր պարունակությամբ եգիպտացորենի օշարակը պարունակվում է պատրաստի սննդամթերքի ու ըմպելիքների 75 տոկոսում, մեծամասամբ որովհետեւ էժան է ու 20 տոկոսով ավելի քաղցր, քան սովորական շաքարը։ Այդ արհեստական քաղցրացուցիչն ակտիվացնում է շաքարը ճարպի վերածելու եւ սուբստանցիան մարսելու փոխարեն՝ այն կուտակելու կենսաբանական ուղիները։ Հենց ֆրուկտոզան հանվում է սննդակարգից՝ օրգանիզմն ունակ է արագ նիհարել։

Քալիֆորնիայի Touro University համալսարանի գիտնականները հավաստիացնում են, որ սննդակարգից ֆրուկտոզան հանելը կօգնի մի շարք հիվանդությունների ու ճարպակալման բուժմանը, իսկ դիաբետիկներն այլեւս դեղամիջոցներ գործածելու անհրաժեշտություն չեն ունենա։ Դա կարող է կապակցված լինել լյարդի կողմից շաքարը ճարպի վերամշակելու գործընթացի հետ։ Գլյուկոզայի համեմատ, որն ընդամենը 20 տոկոսով է տրոհվում լյարդի ու 80 տոկոսով՝ մնացած օրգանիզմի կողմից, ֆրուկտոզայի 90 տոկոսը լյարդն է տրոհում։ Բացի դրանից, այն 18․9 անգամ արագ է ճարպի վերածվում, քան գլյուկոզան։

Վերջապես, ֆրուկտոզա գործածելուց հետո ուղեղը սկսում է համարել, որ օրգանիզմը քաղցած է, ընկնելով լեթարգիական վիճակի մեջ, ինչի պատճառով մարդը կորցնում է ֆիզիկական ծանրաբեռնվածության ցանկացած ձգտում։ Հետազոտությունը ցույց է տվել, որ ֆրուկտոզայի գործածման նույնիսկ կարճաժամկետ սահմանափակումն արագ հանգեցնում է արմատական փոփոխությունների օրգանիզմում, որոնք ազդում են լյարդում ու մարմնի մյուս մասերում ճարպի կուտակման վրա։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է