• Latest news

Որովայնային պատի վերակառուցում. ի՞նչ է դա եւ ո՞ւմ է անհրաժեշտ

23 օգոստոսի, 2017  18:06

Որովայնային պատի վերակառուցման պլաստիկ վիրահատությունը ոչ միայն էսթետիկ նպատակ ունի. այն ոչ միայն բարելավում է հիվանդի փորի արտաքին տեսքը, այլեւ զգալիորեն փոխում է կյանքի որակը: NEWS.am Medicine-ի թղթակցի հետ զրույցում Cleveland Clinic-ից վիրաբույժ Րաֆֆի Կուրունլուօղլուն պատմեց, թե ինչ է իրենից ներկայացնում այս վիրահատությունը եւ որ հիվանդներին է անհրաժեշտ:

Որովայնային պատի վերակառուցման նպատակը

Նման վիրահատությունների գլխավոր նպատակը որովայնային պատի թերությունների վերացումն է, մկանային համակարգի վերականգնումը եւ որովայնի վրա վերքերի փակումը:

Ըստ մասնագետի՝ հաճախ նման վիրահատություն նշանակում են օնկոհիվանդներին. եթե քաղցկեղից բուժման ընթացքում որովայնային պատի մի մասը հեռացնում են, լուրջ թերություն է մնում, որը հարկավոր է շտկել պլաստիկ վիրահատության միջոցով: Հիվանդների մյուս խումբը, որոնց անհրաժեշտ է նման վիրահատություն, որովայնի վնասվածք ստացած մարդիկ են: Որովայնային պատի վերակառուցման վիրահատության կարիք կարող են ունենալ նաեւ ճողվածքներով հիվանդները, ինչպես նաեւ մի քանի վիրահատության ենթարկված մարդիկ:

Ինչպե՞ս է դա արվում

Տեխնիկան, որը վիրաբույժն ընտրում է որովայնային պատի վերակառուցման համար, կախված է կոնկրետ դեպքից: Որոշ դեպքերում մաշկի թերությունները կարող են ծածկվել մարմնի այլ մասերից վերցված հյուսվածքներով: Ավելի բարդ դեպքերում օգտագործվում են սինթետիկ նյութերից հատուկ ցանցեր, որոնք, սակայն, չեն կարող վերականգնել մկանների ֆունկցիան, եթե դրանք հեռացվել են: Դրանից հետո արդեն ցանցի վրայից փոխպատվաստվում է մարմնի այլ մասից վերցված մաշկը:

Հնարավոր բարդացումներ

Վարակներն ու մերժումն ամենալուրջ խնդիրներն են, որոնք կարող են առաջանալ նման վիրահատության դեպքում: Եթե փոխպատվաստված հյուսվածքները վարակվում են կամ օրգանիզմի կողմից մերժում է սկսվում, դրանք հարկավոր է հեռացնել, ինչը եւս մեկ խոշոր ու բարդ վիրահատություն է նշանակում: Սակայն, ըստ մասնագետի, նման բարդություններ բավական հազվադեպ են լինում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է