• Latest news

Բուսական սննդակարգն իսկապես նվազեցնում է խոլեստերինի մակարդակը. գիտնականներ

24 օգոստոսի, 2017  11:53

Բուսական դիետաներն իսկապես նվազեցնում են խոլեստերինի մակարդակը, հավաստում են ճապոնական Keio University-ի գիտնականները, որոնք վերլուծել են 30 հետազոտությունների եւ 19 կլինիկական փորձերի տվյալները, որոնցում ուսումնասիրվել են առնվազն 4 շաբաթ բուսական դիետայի հետեւելու արդյունքները:

Վերլուծությունը ցույց է տվել, որ բուսակերների մոտ ընդհանուր խոլեստերինի մակարդակն արյան մեկ դեցիլիտրում 29.2 միլիգրամով պակաս է, քան մսակերների մոտ:

Գիտնականների խոսքով՝ բուսական դիետայի անցնելու շնորհիվ մսակերների մոտ խոլեստերինի մակարդակը կարող է նվազել 12.5 միլիգրամով՝ մեկ դեցիլիտրի համար: Բուսակերները շատ բանջարեղեն, մրգեր ու ընկուզեղեն են ուտում, իսկ այդ մթերքները հարուստ են սննդային մանրաթելերով, սոյայի սպիտակուցով, ֆիթոստերոլներով եւ քիչ հագեցած ճարպեր են պարունակում: Հենց այդ պատճառով էլ բուսակերների մոտ խոլեստերինի մակարդակը ցածր է:

Հայտնի է, որ արյան մեջ խոլեստերինի բարձր մակարդակը մեծացնում է սրտի եւ անոթների հետ կապված խնդիրների առաջացման վտանգը (սրտի իշեմիկ հիվանդություն, սրտի եւ ուղեղի կաթված): Գիտնականներն իրենց սիրտ-անոթային համակարգի առողջության համար մտահոգվող մարդկանց խորհուրդ են տալիս ավելի շատ բուսական ծագման մթերք օգտագործել եւ առավելագույնս նվազեցնել յուղոտ կարմիր մսի քանակությունը:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է