Հսկայական կիստան սպանել է երեխային մոր փորի մեջ

7 սեպտեմբերի, 2017  23:48

22-ամյա Քիրսթի Բաթլերը կարծում էր, թե հղիության 8-րդ ամսում է։ Բայց իրականում նրա փորը հսկայական չափսերի էր հասել ձվարանի կիստայի պատճառով, որը սպանել էր նրա պտղին ու սպառնում էր հենց Քիրսթիի կյանքին։

Մի անգամ Քիրսթիի գործընկերներն ուշադրություն էին դարձրել այն բանի, որ նրա փորը նկատելիորեն մեծացել է։ Նրանց խորհուրդով կինը հղիության թեստ է հանձնել ու այն դրական արդյունք է ցույց տվել։ Քիրսթին ու նրա բոյֆրենդ Սելերնը շատ ուրախացել էին, քանի որ ուզում էին երեխա ունենալ։ Բայց շուտով նրանց ուրախությունը մռայլվել էր։

Երբ Քիրսթին այցելել էր բժիշկների, պարզվել էր, որ պտուղն ընդամենը 6 շաբաթական է, իսկ նրա փորը 30 շաբաթականի չափսեր ուներ ձվարանի կիստայի պատճառով։ Կիստան 30 սմ տրամագիծ ուներ ու ճնշում էր արգանդին ու կնոջ մյուս օրգաններին։ Կիստան պետք էր հեռացնել, բայց բժիշկները որոշել էին սպասել հղիության գոնե 11-րդ շաբաթին, երբ պտուղը ողջ մնալու ավելի շատ շանսեր կունենար։ Սակայն հաջորդ զննման ժամանակ պարզվել էր, որ պտուղն արդեն մահացած էր՝ սիրտը չէր բաբախում։

Կիստայի հետ միասին բժիշկները ստիպված են եղել հեռացնել նաեւ Քիրսթիի ձվարանը։ Սակայն բժիշկները հավաստիացնում են, որ դա չի ազդի հետագայում երեխա ունենալու նրա կարողության վրա, քանի որ նրա երկրորդ ձվարանն առողջ է։

NEWS.am Medicine

loading...
 

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ինչպե՞ս կարելի է իմանալ, որ մարդը ՄԻԱՎ-վարակ ունի:
1. ՄԻԱՎ-ով մարդը մշտապես հոգնածություն եւ քնկոտություն է զգում:
2. ՄԻԱՎ-ով մարդու մազերը ավելի վաղ են սպիտակում, քան մյուս մարդկանց դեպքում:
3. Եթե մարդու մոտ առկա է ՄԻԱՎ, դա նրա արտաքինից է երեւում:
4. ՄԻԱՎ-ի առկայության կամ բացակայության մասին կարելի է իմանալ միայն հատուկ անալիզ հանձնելուց հետո:
5. ՄԻԱՎ-ով տառապող մարդու մարմնին կապուտկները հեշտ են առաջանում: