Կրասնոդարում կինը վիրահատությունից հետո մահացել է որովայնում մոռացած անձեռոցիկի պատճառով

8 սեպտեմբերի, 2017  10:49

Ռուսաստանում 45-ամյա Իրինա Կ.–ն վիրահատությունից 2 ամիս անց մահացել է որովայնում մոռացած անձեռոցիկի պատճառով։ ՌԴ Քննչական կոմիտեի Կրասնոդարի երկրամասի Կենտրոնական օկրուգի քննչական բաժինը կնոջ մահվան գործով փորձաքննություն է նշանակել։

Կինը Կրասնոդար էր եկել Խաբարովսկի երկրամասի Կենադա ավանից, քանի որ ճողվածքի վիրահատության կարիք ուներ։ Նախաքննության տվյալներով՝ վիրահատության ժամանակ կնոջ որովայնի մեջ 57x38 սմ անձեռոցիկ են մոռացել։ Տուն վերադառնալով՝ կինը մի քանի շաբաթ ապրել է անձեռոցիկը որովայնում՝ կրելով սարսափելի ցավեր, որոնց պատճառը բժիշկները չէին  կարողանում պարզել։

Ցավի հերթական նոպայի ժամանակ կնոջը շտապ օգնության մեքենայով հիվանդանոց էին տեղափոխել, սակայն Իրինան մահացել էր հիվանդանոցի ճանապարհին։

KrasnodarMedia լրատվական գործակալության փոխանցմամբ՝ դիահերձումը պարզել է, որ կնոջ օրգանիզմում թարախային պրոցես էր սկսվել, որին հաջորդել էին աղիների թափածակումն ու պերիտոնիտը։ Մահվան պատճառն, ըստ երեւույթին, եղել էր վիրահատության ժամանակ որովայնում մոռացած անձեռոցիկը։ Այն աղիների անանցանելիություն եւ դրանից բխող այլ խնդիրներ էր առաջ բերել։ Դիահերձման վերջնական «ախտորոշումը»՝ սուր խոցային նեկրոտիկ էնտերիտ։

Մահացածի հարազատների խոսքով՝ վիրահատությունը կատարել է Կրասնոդարում  հայտնի վիրաբույժ պրոֆեսոր, որին օգնել է ոչ պակաս փորձառու վիրաբույժ։ Հարազատների խոսքով՝ երկու վիրաբույժն էլ վաղուց հասել են թոշակի տարիքին, սակայն շարունակում են աշխատել։

NEWS.am Medicine

loading...
 

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ինչպե՞ս կարելի է իմանալ, որ մարդը ՄԻԱՎ-վարակ ունի:
1. ՄԻԱՎ-ով մարդը մշտապես հոգնածություն եւ քնկոտություն է զգում:
2. ՄԻԱՎ-ով մարդու մազերը ավելի վաղ են սպիտակում, քան մյուս մարդկանց դեպքում:
3. Եթե մարդու մոտ առկա է ՄԻԱՎ, դա նրա արտաքինից է երեւում:
4. ՄԻԱՎ-ի առկայության կամ բացակայության մասին կարելի է իմանալ միայն հատուկ անալիզ հանձնելուց հետո:
5. ՄԻԱՎ-ով տառապող մարդու մարմնին կապուտկները հեշտ են առաջանում: