Ո՞ր մթերքներն են մաշկին ստիպում ավելի արագ ծերանալ

11 սեպտեմբերի, 2017  13:36

Որոշ մթերքներ մաշկին ստիպում են ավելի արագ ծերանալ եւ օրգանիզմում քրոնիկական բորբոքումներ են առաջացնում: Այս մթերքների մասին նշել է Ավստրալիայից դիետոլոգ Ֆիոնա Թաքը:

Փորձագետի խոսքով՝ օրգանիզմում ծերացման պրոցեսներն արագանում են ռաֆինացված շաքարի օգտագործման հետեւանքով, նաեւ այնպիսի մթերքների, որոնք տրանսճարպեր եւ սպիտակ ալյուր են պարունակում: Ծերացման մյուս կարեւոր գործոնն է ալկոհոլի օգտագործումը:

Թաքը հայտնել է, որ դրանից բացի, վաղաժամ ծերանալուն են վտանգվում գրիլի, կարմիր մսի եւ հավի սիրահարները: Մասնագետը նաեւ խորհուրդ է տալիս չչարաշահել տապակած ճաշատեսակները, որոնք պատրաստված են բուսական յուղով:

Դիետոլոգը խորհուրդ է տալիս նաեւ չհրապուրվել կարտոֆիլով, սմբուկով, եգիպտացորենով, գետնընկույզով՝ այս մթերքները չպետք է լինեն ամենօրյա սննդակարգում, ավելի լավ է օգտագործել ժամանակ առ ժամանակ:

«Ծերացումը կապված է քրոնիկական բորբոքումների հետ եւ առաջացնում է ազատ ռադիկալների վնասվածքներ: Արդյունքում ակտիվանում են Ալցհեյմերի հիվանդությունը, արթրիտը, սրտի հիվանդությունները, քաղցկեղի որոշ տեսակներ»,- ծերանալուց պաշտպանվելու անհրաժեշտությունն այսպես է պատճառաբանել բժիշկը:

Նրա խոսքով՝ «ծերացնող» մթերքներից հրաժարվելը կօգնի ոչ միայն երիտասարդությունն ավելի երկար պահպանել, այլեւ օրգանիզմը պաշտպանել մի շարք հիվանդություններից:

Հետևեք NEWS.am Medicine-ին Facebook-ում և Twitter-ում

loading...
 

  • Այս թեմայով
  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ինչպե՞ս կարելի է իմանալ, որ մարդը ՄԻԱՎ-վարակ ունի:
1. ՄԻԱՎ-ով մարդը մշտապես հոգնածություն եւ քնկոտություն է զգում:
2. ՄԻԱՎ-ով մարդու մազերը ավելի վաղ են սպիտակում, քան մյուս մարդկանց դեպքում:
3. Եթե մարդու մոտ առկա է ՄԻԱՎ, դա նրա արտաքինից է երեւում:
4. ՄԻԱՎ-ի առկայության կամ բացակայության մասին կարելի է իմանալ միայն հատուկ անալիզ հանձնելուց հետո:
5. ՄԻԱՎ-ով տառապող մարդու մարմնին կապուտկները հեշտ են առաջանում: