Գիտնականները գլյուկոզայի մակարդակի վերահսկման համար սպեղանի են ստեղծել

ԱՄՆ Բինգեմթոնի համալսարանի հետազոտողները յուրահատուկ գործիք են մշակել արյան մեջ գլյուկոզայի քանակը վերահսկելու հաամր։ Դա ինդիկատորով թղթե սպեղանի է, որը, կախված գլյուկոզայի մակարդակից, փոփոխվում է:  «Համակարգն»  աշխատում է առանց մարտկոցների եւ շատ հարմար է օգտագործման համար, մաշկը  պետք չէ ծակել. սպեղանին հետազոտում է քրտինքը, այլ ոչ թե արյունը։

Ստեղծողները թղթե սպեղանու մեջ տեղադրել են  ֆերմենտային կատալիզատորներով սնուցման էլեմենտ, որը փոխազդում են գլյուկոզայի եւ թթվածնի հետ: Էլեմենտն ուղղակիորեն շփվում  է մաշկի հետ, ինչի շնորհիվ քրտինքը կուտակվում է հատուկ տեղում։ Այս մեկանգամյա օգտագործման էլեկտրաքիմիական ինդիկատորը նախատեսված է հիմնականում շաքարախտով տառապող հիվանդների համար եւ բժիշկների պահանջներին բարեխղճորեն հետեւող մարզիկների համար։

Իր պարզության շնորհիվ, սպեղանին կանխում է գլյուկոզայի մակարդակի կտրուկ նվազումը, որը կարող է տեղի ունենալ ծանրաբեռնված աշխատանքի ժամանակ։

Շաքարի մակարդակը որոշելու բոլոր սովորական մեթոդները ենթադրում են մաշկի մեջ ասեղով թափանցելու անհրաժեշտություն ։ Օրական դա  մի քանի անգամ անելը կարող է բավականին տհաճ լինել: Բացի այդ, նման չափումներն այնքան էլ հարմար չեն վարժությունների ընթացքում հիպոգլիկեմիայի պրոֆիլակտիկայի համար:

«Պարապմուքնների ժամանակ գլյուկոմետրի օգնությամբ անալիզ անելն այնքան էլ հարամար չէ։ Իսկ ֆիզիկական ծանրաբեռնվածության ժամանակ շաքարի մակարդակին հետեւելը կենսական անհրաժեշտություն է շաքարախտով հիվանդների համար»,- ասել է Բինգեմթոնի համալսարանի համակարգչային գիտությունների եւ էլեկտրոտեխնիկայի ամբիոնի ասիստենտ Սյոխեն Չոյը։

Հետևեք NEWS.am Medicine-ին Facebook-ում և Twitter-ում