• Latest news

Օգնու՞մ են արդյոք վիտամին C-ն եւ ցինկը մրսածության դեպքում

29 հոկտեմբերի, 2017  16:53

Կարող  են  արդյոք վիտամին C-ն, ցինկը եւ այլ վիտամիններն ու «իմունիտետն ամրացնող» հանքանյութերը մրսածության դեպքում օգնել:

Այս հարցը պարզելու համար օգնել է Քլիվլենդի կլինիկակի ընտանեկան բժիշկ Դոնալդ Ֆորդը:

Նրա խոսքով՝ այսօր դեղատներում կարելի է բազմաթիվ վիտամիններ եւ դեղամիջոցներ գտնել, որոնք օգնում են  վերին շնչուղիների վարակը եւ մրսածությունը բուժելու կամ  կանխելու համար:

Սակայն չկան ապացույցներ, որ այդ դեղամիջոցները իսկապես օգնում են այնպես, ինչպես գովազդում է նշվում:

Վիտամին С-ն, մասնագետի խոսքով, օրգանիզմի համար շատ կարեւոր վիտամին է:

Սակայն վերին շնչուղիների եւ մրսածության բուժման դեպքում նրա արդյունավետությունը գնահատող հետազոտությունները ցույց են տվել, որ այն լավագույն դեպքում 8 տոկոսով է արագացնում բուժման ընթացքը:

Սա նշանակում է, որ եթե դուք վիտամին C խմեք, ապա ոչ թե մի շաբաթում կբուժվեք, այլ 13 ժամ շուտ:

Այլ հետազոտությունները ցույց են տվել, որ այդ վիտամինն ընդհանրապես չի ազդում մրսածության դեպքում բուժման ընթացքի վրա:

Ինչ վերաբերում է ցինկին, նրան եւս ընդունված է մրսածության դեմ արդյուանվետ միջոց համարել:

Նախկինում արված մի հետազտություն խոստումնալից արդյուքներ էր ցույց տվել, սակայն ավելի ուշ գիտնականները կասկածի տակ դրեցին դրանք, քանի որ հետազոտությունը ֆինանսավորում էր ցինկով դեղամիջոցներ արտադրող ընկերությունը: Հետագայում արված ոչ մի հետազտություն չի ապացուցել մրսածության դեպքում  ցինկի արդյունավետությունը: Ավելին՝ ցինկի բարձր դոզաները կարող են վտանգավոր լինել օրգանիզմի համար:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է