Դժվար ապաքինվող վերքերի, օրինակ, պառկելախոցերի, դիաբետիկ թաթի կամ հետայրվածքային վերքերի բուժումն ամիսներ է տեւում։ Ժամանակին բժշկին դիմելու անհրաժեշտությունը, ժամանակակից տեխնոլոգիաների եւ մեթոդների կիրառումը հնարավորություն կտան խուսափել անդամահատումից, բարելավել շատ պացիենտների կյանքի որակը:
Լիմֆադենիտը լիմֆատիկ հանգույցների բորբոքային պրոցես է, որն իմունիտետի անկման պատասխան ռեակցիան է հիվանդությանը։ Լիմֆադենիտը զարգանում է զանազան միկրոօրգանիզմներով վարակված լիմֆատիկ հանգույցների հետեւանքով եւ որի բուժման համար անհրաժեշտ է ախտորոշում եւ համալիր մոտեցում։
Լիմֆոստազը (լիմֆեդեմա, ավշային այտուց) ավշային համակարգի պաթոլոգիա է, որն ուղեկցվում է ավշի շրջանառության խախտմամբ եւ հյուսվածքներում լիմֆատիկ հեղուկի կանգային երեւույթներով: Լիմֆոստազը առաջանում է ավշի գոյացման եւ վերջույթների հյուսվածքներում եւ օրգաններում մազանոթներից եւ պերիֆերիկ ավշային անոթներից դեպի հիմնական ավշային կոլեկտորներ եւ կրծքային ծորան արտահոսքի միջեւ բալանսի խախտման հետեւանքով: Լիմֆոստազի բուժումը երկար եւ բարդ գործընթաց է:Կիրառվում է մանուալ լիմֆոդրենաժ, կոմպրեսիոն աղեկապ (բանդաժ), ապարատային լիմֆոդրենաժ՝ համալիր կոնսերվատիվ բուժման համակցությամբ:
Հայաստանի Հանրապետությունում եւ նույնիսկ ամբողջ Հարավային Կովկասի տարածաշրջանում վերքերի եւ լիմֆադենիտների բուժմամբ զբաղվող բաժանմունքների եւ որակավորում ստացած մասնագետների բացակայությունը եւ տվյալ պաթոլոգիայի բուժման կարիք ունեցող պացիենտների թվի աճը հանգեցրել է վերոնշյալ ծառայության ստեղծման անհրաժեշտությանը:
02.11.2017 թ. Էրեբունի ԲԿ-ում գործադրվեց վերքերի եւ լիմֆադենիտների բուժման ծառայությունը, որը գլխավորում է անոթային վիրաբույժ Մհեր Մարգարյանը:
https://erebunimed.com/arm/news.more/274
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր