• Latest news

Հետազոտություն. Դոնդողը սպիրտի հետ կարող է օգնել քաղցկեղի եմ պայքարում

23 նոյեմբերի, 2017  23:30

Մաքուր սպիրտով լցված դոնդողանման իմպլանտը կարող է քաղցկեղի դեմ արդյունավետ միջոց լինել: Դյուկի համալսարանում մշակված գելանման իմպլանտը ներդրվում  է ուռուցքի հենց կենտրոնում, որտեղ այն սկսում է դանդաղ բաց թողնել սպիրտը: Քաղցկեղի բջիջների հետ շփման ժամանակ սպիրտը ոչնչացնում է դրանք՝ ազդելով կարեւոր սպիտակուցների վրա, որոնք անհրաժեշտ են բջիջներին բազմանալու համար:

Գիտությանը վաղուց հայտնի է, որ քաղցկեղը մաքուր սպիրտից վախենում է: Սակայն խնդիրն այն է, որ սպիրտը վտանգավոր է նաեւ առողջ բջիջների համար: Գիտնականների կողմից ստեղծված իմպլանտը կարող է խնդրի լուծում լինել, քանի որ այն սպիրտը բաց է թողնում աստիճանաբար եւ միայն ուռուցքի մեջ:

Գիտնականները միացրել են սպիրտը էթիլցելյուլոզայի հետ  (ստացվում է փայտի ցելյուլոզայից կամ բամբակից, լայնորեն կիրառվում է սննդարդյունաբերության մեջ, որպես խտացուցիչ եւ դեղամիջոցների պատյան): Արդյունքում ստացվել է դոնդողանման նյութ, որը մարմնի ներսում թաց միջավայրի հետ շփումից սկսում է աստիճանաբար լուծվել եւ բաց թողնել սպիրտը: Դա տեղի է ունենում մոտավորապես մեկ շաբաթում:

Բերանի խոռոչում ուռուցք ունեցող 7 մկների հետ փորձը ցույց է տվել, որ դոնդողանման գելի ներդնումից 7 օր հետո 4 մկների մոտ ուռուցքներն ամբողջությամբ անհայտացել են: Գիտնականների խոսքով՝ իրենց համակարգը հարմար կլինի նաեւ քաղցկեղի այլ տեսակների բուժման համար՝ ներառյալ կրծքի քաղցկեղը: Նրանք նաեւ ցանկանում են փորձարկել իմպլանտը արգանդի պարանոցի նախաքաղցկեղային գոյացությունների վրա: Սակայն նոր մեթոդը մարդկանց վրա դեռ չեն փորձել:

Կարեւոր է, որ գելի արտադրությունը բավականին մատչելի է:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է