Հնդկաստանի 35-ամյա բնակչի ստամոքսում բժիշկները մետաղե այլեւայլ իրեր են հայտնաբերել՝ մետաղադրամներ, մեխեր, պտուտակներ եւ հեղույսներ: Պացիենտի՝ Մաքսուդ Հանի ստամոքսից բժիշկներն, ընդհանուր առմամբ, 7 կգ մետաղ են հանել, հաղորդում է The Independent-ը:
Պարբերականի տվյալներով, տղամարդը կլինիկա է դիմել ստամոքսի շրջանում ցավի գանգատներով: Բժիշկներն էնդոսկոպիա են արել եւ ստամոքսում մետաղե իրեր հայտնաբերել:
«Մեր աշխատանքի ընթացքում նման բանի չենք հանդիպել»,- պատմել է կլինիկայի բժիշկն ու հավելել, որ պացիենտը հավանաբար հոգեկան խանգարում ունի:
Հանի հարազատները պատմել են, որ նա եռանիվի վարորդ է եւ հաճախորդները նրան հաճախ մանրուքներով են վճարում: Հարազատների խոսքով՝ վերջին ժամանակներս տղամարդն ընկճախտ ուներ եւ մետաղյա իրերը կուլ տալով, հավանաբար, փորձել է ձերբազատվել դրանից:
Այժմ Հանայի կյանքին վտանգ չի սպառնում, նա խոստացել է այլեւս մետաղյա իրեր կուլ չտալ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր