• Latest news

Փորձագետ. Առաջիկա 10 տարում բժշկությունը կարող է հրաժարվել սրտի փոխպատվաստումից

6 դեկտեմբերի, 2017  17:55

Առաջիկա 10 տարում բժշկությունը կարող է հրաժարվել սրտի փոխպատվաստումից՝ հօգուտ արհեստական պոմպերի ու ցողունային բջիջներով բուժման: Այդպիսի հայտարարությամբ է հանդես եկել Օքսֆորդի Ջոն Ռեդքլիֆի հիվանդանոցի առաջատար սրտային վիրաբույժ, պրոֆեսոր Ստեֆան Ուեսթեբին սրտի փոխպատվաստման աշխարհում առաջին վիրահատության 50-ամյակի կապակցությամբ։

«Փոխպատվաստումից հետո որոշ մարդիկ կյանքի բարձր որակով ապրում են եւս 20 տարի: Բայց մենք կարող ենք բուժել միայն հիվանդների 1 տոկոսին: Բացի այդ՝ փոխպատվաստման ժամանակ ծագում է մյուս կյանքի արժեքավորության հարցը: Այսինքն՝ ինչ-որ մի երիտասարդ մարդ պետք է մահանա, որ մյուսն իրական շահ ունենա: Ես կարծում եմ, որ արհեստական սրտի (պոմպ) եւ ցողունային բջիջներով բուժման  համադրումը հիանալի այլընտրանք է, որն ի վիճակի է օգնել մեծ թվով մարդկանց»,- ասել է պրոֆեսորը:

Գաղտնիք չէ, որ նոր սիրտ ստանալու համար պացիենտը պետք է հերթագրվի եւ սպասի: Նախ բժիշկները որոշում են, թե արդյոք նրա թեկնածությունը համապատասխանում է սիրտը փոխելու համար: Ապա սկսվում է հերթականությամբ դոնորական օրգանի ընտրությունը:

Հայտնի է, որ դա կարող է տարիներ տեւել: Յուրաքանչյուր 5-րդ սրտաբանական պացիենտն այդպես էլ չի ստանում նոր սիրտ, իսկ 50 տոկոսն այն ստանում են երեք տարվա ընթացքում: Խնդիրն այն է, որ դոնորական օրգանները միշտ բավարար չեն: Դա ստիպում է դիմել այլընտրանքային որոշումների:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է