Սպորտում կանանց օրգանիզմն առավելություն ունի տղամարդկանց օրգանիզմի նկատմամբ

6 դեկտեմբերի, 2017  20:18

Կնոջ մարմինն ի վիճակի է վերամշակել թթվածինն ավելի արագ, քան տղամարդունը, պարզել են Վաթերլոոյի համալսարանի հետազոտողները: Այդ առավելությունը թույլ է տալիս նվազեցնել օրգանիզմի բջիջների ծանրաբեռնվածությունը եւ աէրոբիկ բեռին հարմարվելու կարեւոր ցուցիչ է:

Applied Physiology, Nutrition and Metabolism ամսագրում հրապարակված հետազոտության շրջանակներում գիտնականները վերլուծել են թթվածնի կլանումն ու կնոջ եւ տղամարդու մկաններում դրա էքստրակցիան: Պարզվել է, որ մարմնի կողմից թթվածնի վերամշակման տվյալները ուժեղ սեռի ներկայացուցիչների մոտ շուրջ 30 տոկոսով գերազանցել են:

Փորձը արվել է վազքուղու վրա պարապմունքների ժամանակ։ Կամավորների մեջ եղել են նույն տարիքի եւ քաշի կանայք ու տղամարդիկ:

«Մենք հայտնաբերել ենք, որ կանանց մկաններն ավելի արագ են արյան միջից դուրս բերում թթվածինը, քան տղամարդկանց, ինչը գիտական տեսանկյունից ցույց է տալիս, որ նրանք աէրոբիկ հիանալի համակարգ ունեն»,- նշել է պրոֆեսոր Ռիչարդ Հյուսոնը:

«Մեր հետազոտությունը կասկածի տակ է առնում տարածված այն կարծիքը, որ տղամարդու մարմինը բնությունից ավելի ատլետիկ է, քան կնոջ մարմինը: Ստացված տվյալները կարող են փոխել մոտեցումները ներուժի գնահատմանն ու մարզական պատրաստվածությանը»,- իր հերթին նշել է հետազոտության առաջատար հեղինակ Թոմաս Բելթրամեն:

Հետևեք NEWS.am Medicine-ին Facebook-ում և Twitter-ում

loading...
 

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ձեր երեխաներին օրացույցով բոլոր պատվաստումներն անո՞ւմ եք
Այո
Ոչ
Ընտրովի