Գիտնականները նանոմասնիկներ են մշակել արգանդի քաղցկեղի դեմ պայքարի համար

6 դեկտեմբերի, 2017  23:49

Նանոմասնիկները դեղամիջոցի հետ, որը քաղցկեղի բջիջները քիմիաթերապիայի նկատմամբ ավելի ընկալունակ է դարձնում, կարող են էնդոմետրիայի քաղցկեղի բուժման մեջ նոր խոսք լինել: Դրանք մշակել են Այովայի համալսարանի աշխատակիցները:

Մկների հետ արված փորձերը ցույց են տվել, որ նանոմսանիկները խոչընդոտել են ուռուցքի աճին եւ մեծացրել ապրելու հավանականության տվյալները: Կրծողներն  արգանդի ներքին լորձաթաղանթի՝ էնդոմետրիայի 2-րդ տիպի քաղցկեղ են ունեցել: Հետազոտողները նանոմասնիկների մեջ են ընկղմել երկու դեղամիջոցների համադրությունը(Պակլիտեքսալի, որը էնդոմետրիայի քաղցկեղի դեպքում է կիրառվում եւ նինտեդանիբի, որը սահմանափակում է ուռուցքի արյունատար անոթների աճը): Նինտեդանիբն ուղղված է եղել մուտացված բջիջների վրա, որոնք р53 սպիտակուցի ֆունկցիաների կորստի են հանգեցնում: Այդ փոփոխությունը խախտում է քաղցկեղային բջիջների նորմալ կենսափուլը, եւ նրանք քիմիաթերապիայի նկատմամբ կայուն են դառնում:

Պակլիտաքսելը կիսվելու գործընթացի ժամանակ սպանել է քաղցկեղային բջիջները, սակայն փոփոխված բջիջները դիմակայել են այդ բուժմանը: Այստեղ խաղի մեջ է մտել նինտեդանիբը: Նա գրոհել է փոփոխված քաղցկեղային բջիջների վրա: Բջիջներն սկսել են կիսվել եւ խոցելի են դարձել:

Գիտնականների կարծիքով՝  նոր մեթոդը կարելի է կիրառել նաեւ այլ տեսակի քաղցկեղների բուժման ժամանակ, որոնք ուղեկցվում են р53 սպիտակուցի ֆունկցիաների կորստով:

Հետևեք NEWS.am Medicine-ին Facebook-ում և Twitter-ում

loading...
 

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ձեր աղջկան գարդասիլով կպատվաստե՞ք
Այո
Ոչ
Դեռ չեմ որոշել