Քիչ քնելը ցանկացած եւ հատկապես դեռահաս տարիքում վտանգավոր է. քնի պակասը կարող է դեռահասների մոտ ալկոհոլային կախվածություն առաջացնել, պնդում են Յելի համալսարանի գիտնականները:
Journal of Abnormal Psychology ամսագրում հրապարակված հետազոտությանը մասնակցել են 42 երիտասարդներ, որոնք, իրենց խոսքով, անցած ամսվա ընթացքում մեծ քանակությամբ ալկոհոլ են օգտագործել: Նրանք մեկ շաբաթ պետք է հետեւին քնի որակին եւ օգտագործած ալկոհոլի ծավալին: Դրանից բացի, օրգանիզմի օրվա ռիթմի վերահսկողության համար օգտագործվել է քնի եւ ակտիվության մոնիտոր:
Պարզվել է, որ ըստ քնի տեւողության կարճատեւության եւ վաղ առույգանալու՝ հնարավոր է եղել մեծագույն ճշգրտությամբ կանխատեսել հետագայում օգտագործելիք ալկոհոլի քանակությունը: Միաժամանակ մեծ ծավալով ալկոհոլ օգտագործող կամավորները ուշ են պառկել քնելու եւ ուշ էլ արթնացել են:
2017 թվականի գարնանը Journal of the American Heart Association ամսագրում հրապարակվել էր ամերիկացի մասնագետների հոդվածը, որոնք ցույց են տվել, որ պարբերաբար քիչ քնելը էապես մեծացնում է կաթվածի հետեւանքով մահանալու հավանականությունը այն մարդկանց շրջանում, որոնք սիրտ-անոթային հիվանդություններով եւ շաքարային դիաբետով են տառապում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր