Հավի միս ներմուծող 16 ընկերություններից 13-ի մոտ ներմուծված հավի մսի 22 նմուշից 6-ում հայտնաբերվել են սալմոնելա եւ լիստերիա, որոնք ախտածին միկրոօրգանիզմներ են եւ մարդու համար պոտենցիալ վտանգավոր: Այս մասին լրագրողներին հայտնեց ՀՀ ԳՆ ՍԱՊԾ սննդամթերքի անվտանգության եւ որակի հսկողության տեսչության պետ Վահե Դանիելյանը:
Մասնավորապես՝ բակտերիաները հայտնաբերվել են հետեւյալ մթերքներում.
- սառեցված հավի թեւեր Frangosul (սալմոնելա)՝ արտադրված 07.2017թ., արտադրող երկիրը՝ Բրազիլիա, ներմուծող՝ «Գոռ Հակ թրեյդ» ՍՊԸ, պահեստում առկա կասեցված խմբաքանակի չափը՝ 3500 կգ,
- սառեցված հավի անոսկոր ազդրամիս SEARA (լիստերիա)՝ արտադրված 24.04.2017թ., արտադրող երկիրը՝ Բրազիլիա, ներմուծող՝ «Էրիզ» ՍՊԸ, պահեստում առկա կասեցված խմբաքանակի չափը՝ 15,000 կգ,
- սառեցված հավի կրծքամիս «Պրեմիում» (սալմոնելա, լիստերիա)՝ արտադրված 03.10.2017թ., արտադրող երկիրը՝ Ռուսաստանի Դաշնություն, «Սարատովի թռչնաֆաբրիկա Կուռնիկով» ՍՊԸ, պահեստում առկա կասեցված խմբաքանակի չափը՝ 242 կգ,
- սառեցված հավի կրծքամիս Qualiko (լիստերիա)՝ արտադրված 10.03.2017թ., արտադրող երկիրը` Ուկրաինա, ներմուծող` «Դոնմալ» ՍՊԸ, պահեստում առկա կասեցված խմբաքանակի չափը 2500 կգ,
- սառեցված հավի թեւեր Qualiko (սալմոնելա)՝ արտադրված 29.06.2017թ., արտադրող երկիրը՝ Ուկրաինա, ներմուծող՝ «Դոնմալ» ՍՊԸ, պահեստում առկա կասեցված խմբաքանակի չափը 1000 կգ,
- սառեցված բրոյլեր հավ Мироторг (սալմոնելա)՝ արտադրված 22.10.2017թ., արտադրող երկիրը՝ Ռուսաստանի Դաշնություն, ներմուծող՝ «Բրենդլիդեր» Հ/Ձ, պահեստում առկա կասեցված խմբաքանակի չափը՝ 12,354 կգ:
ՍԱՊԾ ներկայացուցչի խոսքով՝ այս բոլոր խմբաքանակները վաճառքից հանվել են, եւ այժմ մասնագետները երկրի խանութներում փնտրում են այս խմբաքանակների մնացած մթերքը: Վահե Դանիելյանը բոլոր սպառողներին կոչ արեց խանութներում նշված խմբաքանակների մթերքներ նկատելու դեպքում այդ մասին անպայման հայտնել ՍԱՊԾ-ին:
Վահե Դանիելյանը նաեւ հավելեց, որ հիմա ստուգում են նաեւ տեղական արտադրության հավի նմուշները, փորձաքննության արդյունքների մասին հայտնի կդառնա ավելի ուշ:
Հետևեք NEWS.am Medicine-ին Facebook-ում և Twitter-ում