• Latest news

Գենային թերապիան կարող է բանալի դառնալ հեմոֆիլիան հաղթելու համար

16 դեկտեմբերի, 2017  11:12

Հնարավոր է՝ գենային թերապիան բանալի դառնա հեմոֆիլիան հաղթելու հարցում. ժառանգական հիվանդություն, որի ժամանակ խանգարվում է արյան մակարդելիության պրոցեսը, ինչի հետեւանքով հոդերում, մկաններում եւ ներքին օրգաններում տեղի է ունենում արյունազեղում: Մարիա թագուհու համալսարանի գիտնականները այս հիվանդության բուժման նոր մոտեցում են թեստավորել, եւ այն անչափ խոստումնալից է թվում:

Պարզվել է, որ դեղամիջոցի մեկանգամյա կիրառումը բավական էր, որպեսզի մեկ տարվա ընթացքում փորձի մասնակիցների մոտ A տիպի հեմոֆիլիայի դեպքում արյան նորմալ մակարդելիությունը պահպանվի, որն առաջանում է արյան մակարդելիության VIII գործոնի բնածին դեֆիցիտի հետեւանքով: Սա հեմոֆիլիայի առավել տարածված տիպն է:

Մինչեւ հիմա հեմոֆիլիայի դեմ պայքարի միակ մեթոդը մակարդելիության պակասող գործոնների ամենշաբաթյա ներարկումներն էին՝ արյունահոսությունների վերահսկողության եւ կանխման համար: Փորձերի ընթացքում Մեծ Բրիտանիայից կամավորներին ներարկել են արյան մակարդելիության VIII գործոնի գենի պատճենը: Սրա շնորհիիվ մասնակիցների մոտ բարձրացել է տվյալ սպիտակուցի մակարդակը:

Կամավորների 85 տոկոսի մոտ  արյան մակարդելիության VIII գործոնի խտությունը նորմալ է մնացել կամ գրեթե նորմալ՝ նույնիսկ թերապիան անցկացնելուց շատ ամիսներ հետո: Բոլոր 13 հիվանդները կարողացել են հրաժարվել նախկինում պահանջվող բուժումից: Մասնագետները նշում են, որ նոր մոտեցման թեստավորման արդյունքները գերազանցել են իրենց բոլոր սպասումները:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել