• Latest news

Յուրաքանչյուր երրորդ դիաբետիկը չի ընդունում նշանակված դեղերը. հետազոտություն

18 դեկտեմբերի, 2017  14:47

Յուրաքանչյուր երրորդ դիաբետիկը չի ընդունում բժշկի նշանակված դեղերը՝ վախենալով կողմնակի էֆեկտներից: Այսպիսի եզրակացության են հանգել բրիտանական Սուրեյ համալսարանի հետազոտողները:

Նրանց հետազոտությունը ցույց է տվել, որ դիաբետիկներից շատերը վախենում են մետֆորմին կոչվող դեղամիջոցից, որը 2-րդ տիպի դիաբետի դեպքում աշխարհում ամենահաճախ դուրս գրվող  դեղն է: Մետֆորմինն օգնում է վերահսկել դիաբետը՝ նվազեցնելով արյան մեջ գլյուկոզայի մակարդակը, որը լյարդն է արտադրում: Դիաբետով շատ հիվանդներին այս դեղն անհրաժեշտ է, սակայն, ինչպես ցույց է տվել հետազոտությունը, դեղատոմսերի 30 տոկոսը երբեք դեղատուն չի ներկայացվում:

Հետազոտության հեղինակները որոշել են պարզել, թե ինչու են հիվանդները հրաժարվում դիաբետի դեմ դեղն ընդունելուց: Պարզվել է, որ ամեն ինչի մեղավորը մետֆորմինի կողմնակի էֆեկտների հանդեպ վախն է: Գլիկոզիդների կարգի մյուս դեղամիջոցները մերժում է դիաբետիկների միայն 23 տոկոսը, եւս 20 տոկոսը հրաժարվում է պիոգլիտազոնի ընդունումից:

Հայտնի է, որ մետֆորմինը որոշ հիվանդների մոտ աղեստամոքսային խանգարումներ է առաջացնում՝ ներառյալ դիարեա եւ փքվածություն: Գիտնականները, սակայն, հիշեցնում են, որ դիաբետի դեմ դեղերի ընդունման կարեւորությունը լավ հայտնի է, եւ հիվանդները չպետք է հրաժարվեն այն միջոցներից, որոնք բժիշկները նշանակում են: Հակառակ դեպքում, դիաբետիկներին ծանր բադություններ կսպասեն՝ ներառյալ երիկամների աշխատանքի խանգարումը եւ տեսողության կորուստը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է