• Latest news

Սթրեսն արագացնում է ենթաստամոքսային գեղձի քաղցկեղի զարգացումը. հետազոտություն

13 հունվարի, 2018  23:40

Սթրեսն արագացնում է քաղցկեղի ամենավտանգավոր տեսակներից մեկի՝ ենթաստամոքսային գեղձի քաղցկեղի զարգացումը, պնդում են Կոլումբիայի համալսարանի գիտնականները: Գիտնականների խոսքով՝ սթրեսը հորմոններ է ազատում, որոնք պատասխանատու են «խփիր կամ փախիր» ռեակցիայի համար, որոնք էլ, ըստ երեւույթին, արագացնում են ուռուցքի աճը: Իսկ ահա այդ հորմոնները ճնշող բետա-բլոկատորներ կատեգորիայի դեղերը կարող են մեծացնել քաղցկեղի այս տեսակով հիվանդների կյանքի տեւողությունը:

Գիտնականները լաբորատոր մկների վրա անցկացրած փորձերով հայտնաբերել են, որ սթրեսի հորմոնների ճնշումը վերապրելիությունը մեծացնում է: Ենթաստամոքսային գեղձի մետաստազավորված քաղցկեղով հիվանդների լրացուցիչ անալիզը ցույց է տվել, որ սրտի հիվանդությունների բուժման համար նախատեսված սելեկտիվ բետա-բլոկատորներ ընդունած հիվանդները ապրել են գրեթե 2/3-ով ավելի երկար, քան նրանք, որոնք չեն օգտագործել այդ դեղերը:

Գիտնականները ենթադրում են, որ սթրեսի հուզական եւ հոգեբանական գործոնները կարեւոր դեր են խաղում ոչ միայն այս, այլեւ բոլոր մնացած ուռուցքների զարգացման մեջ: Տվյալ արդյունքն ապահովվում է սիմպատիկ նյարդային համակարգի աշխատանքի հաշվին, որը օրգանիզմը էներգիայի հոսքով ապահովող հորմոններ է արտադրում, որոնց օգնությամբ կարող է արձագանքել վտանգներին:

Որոշ կենսաբաններ մերժում են այս գաղափարը, քանի որ սթրեսի մակարդակը դժվար է չափել: Մյուսները հարց են բարձրացնում, թե սթրեսը հատկապես ինչպես է կապված կենսաբանական պրոցեսների հետ, որոնք ներառում են ԴՆԹ մուտացիաները եւ ենթաստամոքսային գեղձի նման որոշակի օրգանի ներսում քաղցկեղի բջիջների աճը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է