• Latest news

Գիտնականները հայտնաբերել են գեն, որի բացակայությունը մեծացնում է շագանակագեղձի ագրեսիվ քաղցկեղի ռիսկը

19 հունվարի, 2018  23:47

HSD17B4 գենի տարբերակներից մեկը չունեցող տղամարդիկ ավելի հաճախ են հիվանդանում շագանակագեղձի՝ բուժման նկատմամբ կայուն քաղցկեղով: Նման եզրակացության են եկել Քլիվլենդի կլինիկայի գիտնականները: Նախորդ ուսումնասիրությունները ցույց են տվել, որ HSD17B4 գենը կոդավորում են այն ֆերմենտները, որոնք ապաակտիվացնում են անդրոգենները (տղամարդու սեռական հորմոններ):

Անդրոգենները անհրաժեշտ են շագանակագեղձի ուռուցքի զարգացման համար, ուստի դրանց ապաակտիվացումը պետք է կանխի քաղցկեղի առաջացումը: Սակայն HSD17B4-ի հետ կապված ֆերմենտները շատ են նաեւ շագանակագեղձի շիճուկների քաղցկեղի ուշ փուլերում: Շագանակագեղձի քաղցկեղի բուժման համար հաճախ օգտագործվում է հակաանդրոգենային թերապիան (բջիջները զրկում են անդրոգեններից): Սակայն բուժումը հաճախ կորցնում է իր արդյունավետությունը, եւ քաղցկեղը կայուն է դառնում:

Հետազոտողները գնահատել են HSD17B4-ի ազդեցության մակարդակը շագանակագեղձի քաղցկեղ ունեցող բուժված մարդկանց, շագանակագեղձի՝ բուժման նկատմամբ կայուն քաղցկեղով հիվանդների, ինչպես նաեւ շագանակագեղձի քաղցկեղ չունեցող մարդկանց հյուսվածքների նմուշներում: Գենի ազդեցության մակարդակը մոտավորապես նույնն է եղել քաղցկեղը բուժած կամավորների եւ շագանակագեղձի քաղցկեղ չունեցող մասնակիցների մոտ: Իսկ շագանակագեղձի՝ բուժման նկատմամբ կայուն քաղցկեղով հիվանդների մոտ այս գենը նվազած է եղել:

Հետազոտողներն եզրակացության են հանգել, որ HSD17B4 գենի ներկայությունը կարող է կանխել քաղցկեղի առաջընթացը: Մասնավորապես, քաղցկեղներին խանգարում է աճել այս գենի կողմից կոդավորվող ֆերմենտի հատուկ իզոֆորման (իզոֆորմա 2): Իզոֆորմաները միեւնույն ֆերմենտի տարբեր ձեւերն են:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է