• Latest news

Ֆրանսիացի վիրաբույժներն առաջին անգամ դեմքի կրկնակի փոխպատվաստում են իրականացրել

22 հունվարի, 2018  20:41

Ֆրանսիացի վիրաբույժներն իրականացրել են դեմքի փոխպատվաստման երկրորդ վիրահատությունը․ այն բանից հետո, երբ հիվանդի օրգանիզմը վանել է ներպատվաստված դեմքը, նրան նոր դեմք են պատվաստել մեկ այլ դոնորից։

40-ամյա հիվանդին, որի անունը չեն հայտնում, առաջին անգամ դեմք էին պատվաստել յոթ տարի առաջ։ 2017-ի աշնանը նրա օրգանիզմը վանել է նոր հյուսվածքները։ Վանման աստիճանը պահանջում էր դեմքի ամբողջական հեռացում։ Նոյեմբերի 30-ին այդ վիրահատությունն իրականացվել է, իսկ տղամարդուն արհեստական կոմայի վիճակ են ընկղմել ։

Հետագա երկու ամիսներին նա սպասում էր նոր դոնորի, որը հունվարին է գտնվել։ Փոխպատվաստման երկրորդ վիրահատությունն իրականացվել է հունվարի 15-ին ու 16-ին Ժորժ Պոմպիդուի անվան Եվրոպական հոսպիտալում՝ պրոֆեսոր Լատյերիի ղեկավարությամբ։ Մասնագետները նշում են, որ հիվանդին անհրաժեշտ է մշտադիտարկում մի քանի շաբաթվա ընթացքում, որպեսզի համոզվեն տրանսպլանտատի կենսունակության հարցում։

Դեմքի փոխպատվաստումը չափազանց բարդ ու ռիսկային վիրահատություն է։ Այն առաջին անգամ իրականացրել են Ֆրանսիայում 2005-ին, այս պահի դրությամբ ամբողջ աշխարհում իրականացվել է առնվազն 40 նման փոխպատվաստում։

Աշխարհի առաջին կինը, ում դեմք են փոխպատվաստել, մահացել է 2016-ին հյուսվածքների վանման հետեւանքով, նրա մոտ ախտորոշվել էր քաղցկեղի երկու տեսակ։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել