• Latest news

Քաղցկեղի ամենատարածված 3 տեսակները՝ Հայաստանում, Էստոնիայում եւ Ղրղզստանում

8 փետրվարի, 2018  18:02

Հայաստանում տղամարդկանց շրջանում քաղցկեղի առավել տարածված տեսակը թոքերի քաղցկեղն է, իսկ կանանց շրջանում՝ կրծքագեղձի քաղցկեղը: Այս մասին «Օնկոլոգիական հիվանդությունների խնդիրը, դրանց կանխարգելումը եւ բուժման ժամանակակից մեթոդները» թեմայով Մինսկ-Բիշքեկ-Երեւան-Քիշնեւ-Տալլին տեսակամուրջի ժամանակ ասաց հայ ռադիոլոգ Հովհաննես Վարդեւանյանը:

Նրա խոսքով՝ կանանց շրջանում տարածվածությամբ երկրորդ տեղում է արգանդի վզիկի քաղցկեղը, իսկ երրորդ՝ կոլորեկտալ քաղցկեղը:

Ինչ վերաբերում է տղամարդկանց, նրանց շրջանում երկրորդ տեղում է շագանակագեղձի քացկեղը, իսկ երրորդ տեղում է, ինչպես կանանց դեպքում, կոլորեկտալ քաղցկեղը: Հետաքրքիր է, որ աշխարհի շատ երկրներում տղամարդկանց շրջանում շագանակագեղձի քաղցկեղը առավել տարածված քաղցկեղի տեսակն է: Սակայն Հայաստանում այս հիվանդությունը նկատելիորեն զիջում է թոքերի քաղցկեղին, որը, մասնագետների կարծիքով, այդքան տարածված է երկրում մեծ թվով ծխողների առկայության պատճառով:

Ինչպես տեսակամուրջի ժամանակ նշեց Տալլինից քիմիաթերապեւտ-ուռուցքաբան Օլգա Կոնովալովան, Էստոնիայում անցյալ դարի 90-ական թվականների համեմատությամբ՝ թոքերի քաղցկեղով հիվանդացությունը նկատելիորեն նվազել է՝ հիմնականում ծխելուց հրաժարվելու ակտիվ քարոզչության շնորհիվ: Էստոնիայում տղամարդկանց շրջանում առաջին տեղում է շագանակագեղձի քաղցկեղը, երկրորդ՝ թոքերի քաղցկեղը, երրորդ՝ մաշկի քաղցկեղը: Էստոնիայում կանանց շրջանում շատ տարածված է մաշկի քաղցկեղը եւ զբաղեցնում է առաջին տեղը, որին հաջորդում են՝ կրծքագեղձի քաղցկեղը եւ կոլորեկտալ քաղցկեղը:

Ինչպես, իրենց հերթին, նշեցին Բաքիթ Շաիմբեթովը եւ Կուբանիչբեկ Կալմամատովը, Ղրղզստանում տղամարդկանց շրջանում առավել տարածված է ստամոքսի քաղցկեղը, երկրորդ տեղում է թոքերի քաղցկեղը, երրորդ՝ լյարդի քաղցկեղը, իսկ չորրորդ՝ մաշկի քաղցկեղը: Կանանց շրջանում առաջին տեղում է կրծքագեղձի քաղցկեղը, որին հաջորդում են՝ արգանդի վզիկի քաղցկեղը, ստամոքսի քաղցկեղը եւ արգանդի մարմնի քաղցկեղը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է