• Latest news

Ամերիկուհին գլխացավով է քնել եւ արթնացել բրիտանական առոգանությամբ

13 փետրվարի, 2018  22:46

Արիզոնայում կինը, որն ամբողջ կյանքում ԱՄՆ-ում է բնակվել, առավոտյան հայտնաբերել է, որ բրիտանական առոգանությամբ է խոսում: Արտասովոր դեպքի մասին հայտնել է տեղական ABC15 հեռուստաալիքը: 2015 թվականին նա երեկոյան քնել է սարսափելի գլխացավով: Երբ արթնացել է, նրա մոտ բրիտանական առոգանություն է հայտնվել: Այն մինչ օրս պահպանվում է:

Արիզոնայի նահանգի Բաքայից գեղեցկության նախկին թագուհի Միշել Մայերսը հիմա լոնդոնյան առոգանությամբ է խոսում, չնայած Միացյալ Նահանգներից երբեք չի հեռացել: Յոթ երեխաների մայրը տառապում է բժշկական եզակի վիճակով՝ օտար առոգանության համախտանիշով: Այս վիճակը սովորաբար կապված է նեւրոլոգիական վնասվածքի հետ:

Համախտանիշը սահմանվում է որպես «խոսքի խանգարում, որը խոսքի անսպասելի փոփոխություն է առաջացնում՝ այնպիսի, որ լեզվի կրողն ընկալվում է օտար առոգանությամբ, հաճախ առաջանում է ուղեղի վնասման, կաթվածի կամ վնասվածքի հետեւանքով»:

Մայերսի խոսքով՝ երեք առանձին դեպք է եղել, երբ ինքը քնել է ուժասպառ անող գլխացավով, որից հետո իր մոտ նոր առոգանություն է հայտնաբերել: Առաջինը եղել է իռլանդական, այնուհետեւ՝ ավստրալական: Երկուսն էլ մոտ մեկ շաբաթ են պահպանվել: Բրիտանականը արդեն մի քանի ամիս պահպանվում է:

Պարզ չէ Մայերսը կաթված կամ վնասվածքներ ունեցել է, սակայն նա տառապում է նաեւ Էլերս-Դանլոսի համախտանիշով, որին հատուկ են սաստիկ ծռվող հոդերը, հարթ կամ առաձգական, հեշտ վնասվող մաշկը, վերքերի սխալ առողջացումը եւ սպիների առաջացումը, փոքր եւ փխրուն արյունատար անոթները:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է