• Latest news▼

Չինաստանում գրանցվել է թռչնագրիպի H7N4 վիրուսով մարդու վարակման առաջին դեպքը

15 փետրվարի, 2018  12:31

Չինաստանում գրանցվել է թռչնագրիպի H7N4 վիրուսով մարդու վարակման առաջին դեպքը, հայտնում է Չինաստանի Առողջապահության եւ ծրագրային մանկածնության գործերով պետական կոմիտեն:

Վարակվածը Ցզյանսու նահանգի Չանչժոու գավառի Լիյան շրջանում բնակվող 68-ամյա կին է:

Նշվում է, որ անցյալ տարվա դեկտեմբերի վերջին կինը շփվել է կենդանի թռչնի հետ, որից հետո դեկտեմբերի 25-ին նրա մոտ մրսածության հիվանդության ախտանիշներ են հայտնվել: Այս տարվա հունվարի 1-ին նա հիվանդանոց է ընդունվել, որտեղ ախտորոշել են ծանր թոքաբորբ, հունվարի 22-ին կինը բուժհաստատությունից դուրս է գրվել:

Կնոջ անալիզներն ուղարկվել են հիվանդությունների վերահսկողության եւ կանխարգելման կենտրոն, որի մասնագեները պարզել են, որ կինը H7N4 վիրուսով է վարակված: Դրանից հետո տեղական համաճարակաբանները համապատասխան ստուգումներ եւ հետազոտություններ են կատարել, ստուգվել է 28 մարդ, որոնք հիվանդի հետ շփվել էին, նրանց մոտ վարակ չի հայտնաբերվել:

Մասնագետները նահանգի բոլոր բնակիչներին խորհուրդ են տալիս խուսափել ինչպես կենդանի, այնպես էլ սատկած թռչունների հետ շփումներից, թռչնամիս եւ ձու չգնել փողոցային շուկաներում եւ վայրերում, որոնք անհրաժեշտ սանտիրական հավաստագրում չեն անցել:

Չինաստանում թռչնագրիպի վիրուսի առավել տարածված տեսակը H7N9-ն է, որի հետեւանքով 2013 թվականին մահացել է ոչ պակաս, քան 600 մարդ:

Հետևեք NEWS.am Medicine-ին Facebook-ում և Twitter-ում

Տպել   |  In English  |  На русском

 
  • Տեսանյութեր

 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է