• Latest news

Բժիշկները 3D պրինտերով հիվանդի համար կրծքավանդակ են տպագրել (ֆոտո)

18 փետրվարի, 2018  17:47

Բրիտանացի բժիշկները քաղցկեղային ուռուցքի վիրահատության ժամանակ 3D պրինտերի միջոցով վերականգնել են հիվանդի կրծքավանդակը:

Հեռացրել էին 71-ամյա Պիտեր Մեգզի 3 կողոսկրերը եւ կրծքոսկրի կեսը՝ դրանց փոխարեն տեղադրելով պրոթեզ:

Քաղցկեղային ուռուցքն աճել էր թենիսի գնդակի մեծությամբ, եւ դրա հեռացման հետեւանքով վնասվել է կրծքավանդակի ընդարձակ հատված: Վիրահատությունը 8 ժամ է տեւել:

Նման դեպքերում վիրաբույժները սովորաբար պրոթեզը ձուլում են բժշկական հատուկ ցեմենտից:

Սակայն 3D տպագրության տեխնոլոգիայի շնորհիվ բժիշկները կարողացել են հիվանդի համար անհատական իմպլանտ պատրաստել տիտանի ձուլվածքից: Սա Բրիտանիայում համանման պրոթեզների տպագրության առաջին դեպքն է:

«Հարկավոր էր կտրել սաստիկ աճած ուռուցքը, իսկ դրա հետ միասին հեռացնել կրծոսկրի մի մասը եւ 3 կողոսկր»,- պատմում է վիրաբույժ-սրտաբան Այրա Գոլդսմիթը:

«Սա կարող էր ծանր վնասվածքներ առաջացնել, որոնք ունակ էին խախտելու ամբողջ կրծքավանդակի աշխատանքը, որը վերականգնելը շատ դժվար կլիներ»,- հավելել է բժիշկը:

Ցեմենտից պրոթեզը ստիպված էին պատրաստել ուղղակիորեն վիրահատության ժամանակ, միայն սա կարող էր խլել 1,5 ժամ:

Սակայն հիվանդն այլ խնդիրներ էլ ուներ, այդ թվում՝ սրտի հետ կապված: Այս պատճառով անհրաժեշտ էր վիրահատությունն ավարտել հնարավորինս արագ:

Տիտանե իմպլանտը նախապես էին պատրաստել՝ ըստ մոդելի, որը բժիշկ Գոլդսմիթն էր նախապատրաստել:

Վիրահատությունը հաջող է անցել, հիվանդն ասում է, որ իրեն լավ է զգում: «Հիմա ես նորմալ եմ: Միսթր Գոլդսմիթն ինձ համար սուրբ է»,- ասել է Պիտեր Մեգզը:

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է