• Latest news

eHealth-ի ներդրման ժամկետները քննարկվում են բոլոր շահագրգիռ կողմերի հետ. փոխնախարար

19 փետրվարի, 2018  16:24

Հայաստանում էլեկտրոնային առողջապահության ներդրման ժամկետներին վերաբերող հարցերն այսօր ակտիվորեն քննարկվում են բոլոր շահագրգիռ կողմերի, այդ թվում՝ դեղատնային ցանցերի ներկայացուցիչների հետ: Այս մասին լրագրողների հետ հանդիպման ժամանակ ասաց առողջապահության փոխնախարար Սերգեյ Խաչատրյանը:

Նրա խոսքով՝ Առողջապահության նախարարությունը ցանկանում է նոր համակարգը հնարավորինս շուտ ներդնել, քանի որ այն կօգնի մեծ թվով հարցեր կարգավորել, այդ թվում՝ դեղատոմսերով դեղերի բացթողմանը վերաբերող: Ըստ փոխնախարարի՝ առայժմ հնարավոր չէ ասել, թե հատկապես երբ կներդրվի eHealth համակարգը եւ կսկսի գործել, սակայն նախարարությունը ծխրագրում է այն գործարկել մինչեւ տարեվերջ:

Հիշեցնենք, որ փետրվարի 8-ին վարչապետ Կարեն Կարապետյանի հետ հանդիպման ժամանակ դեղագործության ոլորտի ներկայացուցիչները խնդրել էին հետաձգել դեղատների միացումը առողջապահության էլեկտրոնային համակարգին եւ սակագները վերանայել:

Բանն այն է, որ կառավարության 2017 թվականի օգոստոսի 24-ի որոշմամբ առողջապահության էլեկտրոնային համակարգին դեղատների միանալու համար նվազագույն պահանջների կատարման վերջնաժամկետ էր սահմանվել 2018 թվականի մարտի 1-ը: Դեղատների ներկայացուցիչների խոսքով՝ այս որոշումը շատ խնդրահարույց է, քանի որ համակարգի ներդրումը ֆինանսական մեծ ծախսեր է պահանջում՝ հաշվի առնելով համակարգիչների պարամետրերին ներկայացվող պահանջները, դեղատան աշխատակիցների մոտ ID քարտերի առկայությունը եւ դրանք ստուգող սարքերը, օպերատորի ֆիքսված սակագները եւ յուրաքանչյուր դեղատոմսի սակագինը:

Ինչպես հաշվարկել են դեղագործական ընկերությունների ներկայացուցիչները, eHealth  համակարգին մեկ դեղատան միանալու համար միանվագ միջին վճարումը կազմում է 224 հազար դրամ, ամսական դեղատունը պետք է վճարի 45-50 հազար դրամ՝ չհաշված ինտերնետի վճարումը եւ այլ ծախսերը:

«Ալֆա-Ֆարմ», «Նաթալի-Ֆարմ», «Գեդեոն Ռիխտեր», «Ռիթմ Ֆարմ» եւ «Էսկուլապ» ընկերությունները դիմել էին վարչապետին՝ խնդրելով վերանայել այս որոշումը (նվազագույնը 2 տարով հետաձգել), ինչպես նաեւ սակագները, որոնք սահմանել է էլեկտրոնային առողջապահության օպերատորը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է