Հայաստանում էլեկտրոնային առողջապահության համակարգի ամբողջական մեկնարկը կտրվի մինչեւ 2018-ի ավարտը: Այս մասին փետրվարի 19-ին լրագրողների հետ հանդիպմանն ասել է Հայաստանում էլեկտրոնային առողջապահության համակարգի ներդրման հանձնաժողովի ղեկավար Վարդան Գեւորգյանը:
Նրա խոսքով՝ դա նշանակում է, որ տարվա վերջում համակարգին պետք է միանան ոչ միայն պետպատվեր իրականացնող 480 բուժհաստատությունները, այլեւ հանրապետության մյուս լիցենզավորված բուժհաստատությունները, ներառյալ բոլոր դեղատները:
Վարդան Գեւորգյանը հիշեցրեց, որ Հայաստանում էլեկտրոնային առողջապահության համակարգի ներդրման գործընթացը սկսվել է 2017-ին:
«Դա միասնական տեղեկատվական հարթակ է, որի բաժանորդները բժշկական կազմակերպութուններն են, մասնավորապես բուժանձնակազմը, Հայաստանի քաղաքացիները եւ առողջապահության ոլորտի այլ կառույցներ», - ասել է նա:
Այս համակարգի նպատակը ամբողջ բժշկական տեղեկատվության թվայնացումն է, ներառյալ բուժհաստատությունների եւ նրանց մատուցվող ծառայությունների մասին տեղեկատվությունը եւ կոնկրետ հիվանդների բժշկական պատմությունները: Այս համակարգի ներդրման արդյունքում մարդն այլեւ կարիք չի ունենա իր հետ բժշկական փաստաթղթեր տանել մեկ բժշկից մյուսին, հիվանդի անձնական տվյալների մուտքագրման դեպքում այդ ամբողջ տեղեկատվությունը հասանելի կլինի բժշկին:
Ընդ որում դեղատներում հասանելի կլինեն միայն դուրս գրված դեղատոմսերը, հիվանդի մասին այլ տեղեկատվությունը փակ կլինի: Նա հիշեցրել է, որ 2017-ին համակրգին միացվել էին պետպատվեր իրականացնող 480 բուժհաստատութւուններ
Հաջորդ քայլը հոկտեմբերի 1-ից սոցփաթեթի շահառուների համար ապահովագրական պոլիսի գնումն էր:
«Ապահովագրական ընկերության հետ կապը նույնպես իրականացվում է Armed-ի միջոցով», - ասել է նա:
Համակարգում գրանցումը կատարվում է Հայաստանում անձնագրային բաժինների կողմից տրվող ID քարտերի միջոցով: Սա ըստ, Վարդան Գեւորգյանի, արվել է անվտանգության նկատառումներից ելնելով՝ հիվանդի անձնական տվյալների պաշտպանության համար:
Խոսելով այն մասին, որ շատերը բողոքում են այդ ձեւով մուտք գործելու անհարմարության մասին, քանի որ հարկավոր են հատուկ քարտ կարդացող սարքեր, Գեւորգյանը նշել է, որ հետագայում նախատեսվում է բջջային ID-ի օգտագործումը, երբ հանրապետությունում հասանելի կլինի այդ ծառայությունը: Նախատեսվում է գործարկել նաեւ Armed-ի բջջային տարեբրակը:
Խոսելով մարզերի բուժհաստատությունների սահմանափակ հնարավորություններրի եւ վատ ինտերնետի մասին՝ նա նշել է, որ համակարգն աշխատում է անգամ դանդաղ ինտերնետի դեպքում, իսկ բուժհաստատություններին համապատասխան տեխնիկայով ապահովելու համար պետությունը տենդերներ է անցկացնում:
Ինչ վերաբերում է մինչեւ 2017 թվականը հիվանդների բժշկական տեղեկատվությանը, համակարգում դրա մուտքագրման համար նախատեսվում է առանձին նախագիծ իրականացնել, որի շրջանակներում կգնահատվի անհրաժեշտ բժշկական տեղեկավության ծավալը, որից հետո այդ տեղեկատվությունը կթվայնացվի:
Նա նաեւ նշել է, որ eHealth-ում գործում է տվյալների փոխանցման հատուկ պրոտոկոլ եւ մասնավոր բուժհաստատությունները կարող են իրենց արդեն գործող տեղական էլեկրտոնային համակարգերը միացնել դրան, որպեսզի երկու անգամ նույն տեղեկատվությունը չմուտքագրեն:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր