• Latest news▼

Եմենում դիֆթերիայից 62 մարդ է մահացել

21 փետրվարի, 2018  17:51

6 ամիս առաջ դիֆթերիայի բռնկումից ի վեր Եմենում 933 վարակման եւ 62 մահվան դեպք է գրանցվել: Այս մասին հաղորդում է երկրի առողջապահության նախարարությունը:

Դիֆթերիայի բռնկումը Եմենում սկսվել է 2017 թվականի օգոստոսի կեսերին: Անցյալ տարվա դեկտեմբերի վերջին Կարմիր խաչի միջազգային կոմիտեն նախազգուշացրել էր Եմենում մահացության դեպքերի վտանգի բարձր աստիճանով դիֆթերիայի բռնկման մասին: Հունվարի 5-ի տվյալներով՝ երկրում 471 մարդ հիվանդացել է, նրանցից 46-ը մահացել է: Այսօրվա դրությամբ հիվանդության պատճառով զոհերի թիվը 62-ով ավելացել է:

«Հիվանդությունը կենտրոնացած է Իբբ եւ Հոդեիդա նահանգներում: Հանրային եւ բնակչության առողջապահության վարչությունը Առողջապահության համաշխարհային կազմակերպության, ՅՈՒՆԻՍԵՖ-ի, ԱՄԷ-ում ԿԽՄԿ-ի եւ թագավոր Սալմանի անվան Մարդասիրական օգնության կենտրոնի հետ համատեղ ջանքեր է գործադրում երկիրը համակած համաճարակի չեզոքացման համար»,- ասել է երկրի առաջին բժշկական հատվածի առողջապահության փոխնախարար Ալի ալ Վալիդին:

Նա հավելել է, որ իրազեկման եւ պատվաստման աշխատանքներ են տարվում՝ երկրի այլ նահանգներում համաճարակի տարածումը կանխելու համար: Բացի այդ, ըստ նրա, Եմենի հիվանդանոցները եւ կենտրոնական լաբորատորիաներն ապահովվել են դեղամիջոցներով, անհրաժեշտ սարքավորումներով եւ բժշկական անձնակազմով:

Հետևեք NEWS.am Medicine-ին Facebook-ում և Twitter-ում

Տպել   |  На русском

 
  • Տեսանյութեր

 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է