• Latest news

Ծնվելուց մի քանի օր հետո երեխա է մահացել. պատճառը սրտի արատն էր. բժիշկներ

23 փետրվարի, 2018  17:01

Հունվարի 25-ին Էջմիածնում ծնված եւ մի քանի օր հետո մահացած նորածնի մոտ սրտի բնածին արատ է եղել եւ ներարգանդային ինֆեկցիա: Ինչպես NEWS.am Medicine-ին հայտնեցին Էջմիածնի ծննդատնից, երեխան անհաս է ծնվել՝ հղիության 36-րդ շաբաթում, ունեցել է 2200 գրամ քաշ:

Երեխայի մայրը՝ Ռ. Կ.-ն (1992 թվականի ծնված), ծննդատուն է ընդունվել հունվարի 25-ին, մոտ ժամը 17:10-ին, եւ քանի որ սա նրա 4-րդ ծննդաբերությունն էր, շատ արագ տղա է ունեցել: Բժիշկները նրա վիճակը բավարար են գնահտել, չնայած ծնվել էր ժամկետից 2-4 շաբաթ վաղ եւ նորմայից քիչ է կշռել, շնչառոթյան եւ սրտի հետ կապված խնդիրներ չի ունեցել, եւ Ապգարի սանդղակով նրան 8 միավորով են գնահատել:

Նորածնին ստուգել են նաեւ զարկերակաչափի միջոցով, ինչը թույլ է տալիս չափել արյան սատուրացիան, զարկերակի հաճախականությունը եւ զարկերակային ալիքների տատանումները: Երեխայի մոտ բոլոր ցուցանիշները նորմայի մեջ էին, եւ նրան տարել են հիվանդասենյակ մոր մոտ, որպեսզի նրան կերակրի:

Առաջին օրը երեխան իրեն լավ է զգացել եւ նորմալ սնվել է, սակայն 26-ի երեկոյան հերթապահ բուժքույրը զննում կատարելիս նկատել է, որ երեխայի ոտքերը սառն են: Նա երեխային տեղադրել է հատուկ լամպի տակ, որ նրան տաքացնի:

Հաջորդ առավոտյան երեխային վերադարձրել են մոր մոտ հիվանդասենյակ: Առավոտյան 9:30-ին ծննդատան բժիշկներից մեկը շրջայց կատարելիս զննել է երեխային եւ հայտնաբերել, որ նրա մաշկի գույնը փոխվել է: Գործընկերների եւ բաժանմունքի վարիչի  հետ խորհրդակցելով՝ բժիշը ռեանամոբիլ է կանչել՝ երեխային Երեւան տեղափոխելու համար:

Բժիշկները սկզբում որոշել են, որ երեխայի մոտ ներարգանդային ինֆեկցիա է. ինչպես արդեն նշվեց, նա Ռ. Կ.-ի չորրորդ երեխան էր, 3 երեխայից 2-ը ծնվել էին ներարգանդային ինֆեկցիայով եւ ծնվելուց որոշ ժամանակ հետո բուժվել էին «Մուրացան» հիվանդանոցում: Այս վարկածի օգտին էր վկայում նաեւ այն փաստը, որ ծննդաբերելուց մեկ ամիս առաջ մայրը գրիպով էր հիվանդացել: Ավելին՝ նա այդ ժամանակ հոսպիտալացվելուց հրաժարվել էր, քանի որ 3 երեխաներին խնամող չկար, եւ գրիպի դեմ տանն է բուժվել:

Իհարկե, երեխայի մոտ սրտի արատի առկայության հնարավորությունը եւս բժիշկները չեն բացառել, չնայած դա մատնացույց անող ոչ մի նշան չի եղել՝ նրա սրտում աղմուկ նույնպես չէր լսվում: Բժիշկների խոսքով՝ երեխայի մոտ եղել է, այսպես կոչված, սրտի համր արատ, որը կարող է երկար ժամանակ չդրսեւորվել: Բացառված չէ, որ նրա մոտ այս արատի զարգացման պատճառը որեւէ ինֆեկցիոն հիվանդությունն էր, որով մայրը հիվանդացել էր հղիության վաղ ժամկետներում:

Հունվարի 27-ին երեխային արդեն Երեւան էին տեղափոխել՝ «Մուրացան» հիվանդանոց: Այստեղ մասնագետները հաստատել են, որ նրա մոտ սրտի արատ կա, եւ նրան տեղափոխել են մասնագիտացված   «Նորք-Մարաշ» բժշկական կենտրոն: Այնտեղ երեխան  բուժում է ստացել, որից հետո վիրահատվել է: Սակայն վիրահատությունից մի քանի ժամ անց մահացել է:

Երեխայի մահվան փաստով քննություն է կատարվում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել