• Latest news

Երեւանում մեկնարկել է Օրթոդոնտների առաջին միջազգային համագումարը

3 մայիսի, 2014  11:30

Երեւանում մայիսի 3-ին մեկնարկեց Օրթոդոնտների առաջին միջազգային համագումարը, որը կազմակերպել է Հայաստանի Օրթոդոնտների Ասոցիացիան:

Հայաստանի Օրթոդոնտների Ասոցիացիայի նախագահ Հրանտ Տեր-Պողոսյանը NEWS.am Medicine-ի թղթակցի հետ զրույցում ասաց, որ վերջին տարիներին օրթոդոնտիան արագորեն զարգանում է Հայաստանում, եւ այս համագումարը կօգնի մոտեցնել այն միջազգային ստանդարտներին եւ ավելի որակյալ սպասարկում ապահովել:

Կոնգրեսը շատ հետաքրքիր եւ օգտակար կլինի հայ օրթոդոնտների համար, քանի որ այն հնարավորություն կտա շփվել միմյանց հետ եւ փորձի փոխանակում իրականացնել, կարծում է Հրանտ Տեր-Պողոսյանը: «Մեր մասնագետները հաճախ աշխատում են անջատ-անջատ եւ առիթ չեն ունենում շփվել եւ միմյանց աշխատանքները համեմատել եւ գնահատել», - ասաց նա:

«Սա այս մեծության առաջին միջոցառումն է օրթոդոնտների համար Հայաստանում», - ասաց Հայաստանի Օրթոդոնտների Ասոցիացիայի փոխնախագահ Հայկ Սարգսյանը NEWS.am Medicine-ի թղթակցի հետ զրույցում: Նա նշեց նաեւ, որ կոնգրեսին մասնակցում են առաջատար մասնագետներ Բելգիայից, Հունգարիայից, Թուրքիայից եւ Ռուսաստանից: Բազմաթիվ հյուրեր կան նաեւ Վրաստանից՝ նրանք եկել են կոնգրեսի դասախոսությունները լսելու եւ փորձի փոխանակման համար:

Բանախոսները ներկայացնելու են մի շարք նոր մոտեցումներ օրթոդոնտիայում, որոնց թվում են, օրինակ, նոր անտեսանելի սարքավորումները՝ ատամնաշարի եւ ծնոտների դեֆորմացիաների շտկման համար:

Կոնգրեսին երկու դասախոսություններով ելույթ է ունենալու Բելգիայից ժամանած Գուիդո Սամփերմանսը (Guido Sampermans), ով, ինչպես նշեցին կոնգրեսի այլ մասնակիցները, համարվում է աշխարհի լավագույն մասնագետներից մեկը եւ հսկայական փորձ ունի: «Նա ներկայացնելու է երկու նեղ մասնագիտական թեմա, որոնք շատ հետաքրքիր են օրթոդոնտների համար», - ասաց Հայկ Սարգսյանը:

Կոնգրեսը շարունակվելու է մինչեւ մայիսի 4-ը:

Կոնգրեսի առաջին օրը ելույթ են ունենալու.

• Գուիդո Սամփերմանսը (Բելգիա)՝ «An overview of 15 years treatment of class II patients with the twin block appliance» եւ «New approaches in diagnosis and treatment using active self-ligating brackets and heat activated super elastic wires» թեմաներով;

• Հարություն Դեդեյանը (Հունգարիա)՝ «Incognito – invisible treatment in everyday practice» թեմայով;

• Թորոս Ալկանը (Թուրքիա)՝ «Multidisciplinary approach to orthodontics and orthognathic surgery with contemporary 3D imaging and biomodelling» թեմայով:

Կոնգրեսի երկրորդ օրը ելույթ են ունենալու.

• Եկատերինա Գիզոյեվան (Ռուսաստան)՝ «Multidisciplinary approach to the diagnostics and total rehabilitation of patients with orthodontic problems» թեմայով;

• Մարիա Վասիլյեվան (Ռուսաստան)` «Microimplants – fantasy or reality! Multidisciplinary approach with the aim of occlusial plane normalization» թեմայով;

• Արմեն Կազարյանը (Ռուսաստան)` «3D planning in orthodontics» թեմայով;

• Պավել Մայիլյանը (Հայաստան)` «Extension of the borders of the orthodontic treatment» թեմայով;

• Հրանտ Տեր-Պողոսյանը (Հայաստան)` «The principles of neyro-muscular dentistry in orthodontics» թեմայով;

• Հայկ Սարգսյանը (Հայաստան)՝ «Indirect bonding and introduction into lingual technique» թեմայով;

• Լիլիթ Թումանյանը (Հայաստան)` «Minimplants: new possibilities in orthodontics» թեմայով;

• Գագիկ Քալանթարյանը, Անդրեյ Ղուկասյանը (Հայաստան)` «Team work of orthodontist, prosthodontist and dental surgeon as a key for improvement of rehabilitation level in dentistr» թեմայով;

• Արա Հայրապետյանը (Հայաստան)` «Rehabilitation of face esthetics. Milty-disciplinary and complex approach» թեմայով;

• Միքայել Նալբանդյանը (Հայաստան)` «Orthodontic treatment in anterior teeth injuries in the period of mixed dentition» թեմայով;

• Լեւոն Խաչատրյանը (Հայաստան)` «Our experience of arthroscopy TMJ» թեմայով:

Հետևեք NEWS.am Medicine-ին Facebook-ում և Twitter-ում


 
  • Կարդացեք նաև
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է