• Latest news

Հրաշք աղջիկը ծնվել է գլխի շուրջ ամբողջական պտղապարկով (ֆոտո)

10 մարտի, 2018  15:10

Սովորաբար ամնիոտիկ պարկը (կոչվում է նաեւ պտղապարկ) պատռվում է ծննդաբերության ժամանակ, սակայն երբ փոքրիկ Աննաբելը՝ 23-ամյա Ռեյչելի եւ 29-ամյա Նեյթի դուստրը, լույս աշխարհ եկավ, բժիշկները եւ ծնողները զարմանքով տեսան, որ նրա գլուխը ամբողջականությունը պահպանած պտղապարկի մեջ էր:

Կեսարյան հատման ժամանակ բժիշկները ստիպված էին պտղապարկի վրա կտրվածք կատարել եւ այն հեռացնել նորածնի գլխից: Երեխայի հայրը հասցրել է այդ հուզիչ պահը նկարահանել:

«Ամեն ինչ այնքան արագ կատարվեց,- հիշում է նա: - Ռեյչելը դա չէր կարող տեսնել, քանի որ նրա դեմքը վարագույրի հետեւում էր, եւ նա դեղերի ազդեցության տակ էր: Բայց ես հետեւում էի վիրահատությանը: Նրանք (բժիշկները) նրա փորից ինչ-որ պարկ հանեցին, եւ ինձ սկզբում թվաց, թե դա ինչ-որ օրգան է: Սա ինձ տարօրինակ թվաց, քանի որ 17 ամիս առաջ ես կեսարյան հատման հետեւել էի մեր որդու ծնվելու ժամանակ, եւ նման ոչ մի բան այդ ժամանակ չկար: Վիրաբույժին օգնող բուժքույրերն անհանգստացան, սկսեցին ցույց տալ այդ պարկը, ես ինձ կորցրել էի, չէի հասկանում, թե դա ինչ է: Անգամ վախեցա, հարցրեցի՝ արդյոք ամեն ինչ կարգին է: Իսկ բուժքույրն ասաց՝ արագ լուսանկարիր, այնպես որ՝ ես վեցրեցի խցիկը եւ մի քանի լուսանկար արեցի»:

Բժիշկների խոսքով՝ 80 հազար երեխայից միայն մեկն է ծնվում «շապիկով», այսինքն՝ չվնասված պտղաթաղանթի մեջ: Համարվում է, որ այդպիսի երեխան հաջողակ եւ երջանիկ կլինի:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է