• Latest news

Ի՞նչ է տեղի ունենում ուղեղում քնի ժամանակ

18 մարտի, 2018  12:04

Քեմբրիջի համալսարանի ու Լոնդոնի Կայսերական քոլեջի գիտնականները պարզել են, թե ինչ պրոցեսներ են տեղի ունենում ուղեղում քնի ժամանակ։ Այս մասին հայտնել է MedicalXpress-ը։

Գիտնականները վերլուծել են այն պրոցեսները, որոնք տեղի են ունենում հիշողությունների հետ դանդաղ քնի փուլի ժամանակ։ Այդ նպատակով նրանք խթանել են մկների նեյրոնները։

Հետազոտողները հանգել են այն եզրակացության, որ քնի ժամանակ ակտուալ տեղեկություններ պարունակող նեյրոնների միջև կապերը ավելի են ամրանում, իսկ այն կապերը, որոնք պարունակում են ոչ այնքան կարևոր տվյալներ՝ թուլանում են ու անհետանում։

«Մարդու ապրումներով ու դրանց նշանակությամբ պայմանավորված՝ համապատասխան նեյրոնային կապերի չափը փոխվում է»,- ասել է աշխատության առաջատար հեղինակ Անա Գոնսալես Ռուեդան։

Ռուեդայի խոսքով՝ այդ մեխանիզմը կանխում է նյարդային համակարգի գերգրգռումը։ Բացի  դրանից, այդ ձևով ուղեղը հնարավորություն է ստանում երկար ժամանակ պահպանել կարևոր տեղեկությունները առանց տվյալների կորստի։

«Չնայած ուղեղն ունի հիշողության արտառոց ծավալ, նեյրոնների կապերի ու դրանց ակտիվության աջակցությունը շատ էներգիա է պահանջում։ Շատ ավելի արդյունավետ  է պահպանել միայն այն, ինչ անհրաժեշտ է»,- նշել է գիտնականը։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել