• Latest news

Լինոլաթթվի մեծ պարունակությամբ սնունդը նվազեցնում է վաղաժամ մահվան հավանականությունը

21 մարտի, 2018  16:06

Օմեգա-6 չհագեցած ճարպաթթուների մեծ պարունակությամբ սնունդը կարող է նվազեցնել սիրտ-անոթային հիվանդությունների առաջացման եւ վաղաժամ մահվան հավանականությունը, ապացուցել են Հարավային Ֆինլանդիայի համալսարանի հետազոտողները: Այս մասին հայտնում է EurekAlert!-ը:

Հետազոտողները ճարպաթթուների մակարդակը որոշել են 42-ից 60 տարեկան 2480 տղամարդկանց արյան մեջ: Դիտարկումների 22 տարիներին հիվանդությունների հետեւանքով մահացել է նրանցից 1143-ը: Պարզվել է, որ վաղաժամ մահվան հավանականությունը 43 տոկոսով ցածր է եղել այն մարդկանց շրջանում, ում օրգանիզմում առկա էր լինոլաթթվի ամենաբարձր խտությունը: Ըստ որում՝ նվազել է սիրտ-անոթային հիվանդությունների զարգացման հավանականությունը, ինչպես նաեւ կյանքի համար վտանգավոր առողջական վիճակների՝ քաղցկեղից բացի: Նման, սակայն ավելի թույլ արդյունք է ունեցել արախիդոնաթթուն:

Լինոլաթթվի եւ մյուս օմեգա-6 չհագեցած ճարպաթթուների մակարդակը որոշվում է մարդու սննդակարգով: Մասնավորապես՝ լինոլաթթվի աղբյուր են համարվում բուսական յուղերը, ընկուզեղենը եւ սերմերը:

Համարվում էր, որ չհագեցած ճարպաթթուները, չնայած իրենց բարերար ազդեցությանը, մի շարք քրոնիկական հիվանդությունների պատճառն են: Սա պատճառաբանվում էր մարդու օրգանիզմում լինոլաթթվի վերափոխմամբ արախիդոնաթթվի, որն իր հերթին համարվում է բորբոքմանը նպաստող միացությունների նախորդը:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է