• Latest news

Կնոջ ձեռքերն ու ոտքերը անդամահատել են վտանգավոր սեպսիսի վերափոխված մրսածության հետեւանքով (ֆոտո)

22 մարտի, 2018  13:54

Վեց երեխաների մայր 38-ամյա Տիֆանի Քինգը ձեռքերն ու ոտքերը կորցրել է մրսածության հետեւանքով, որը վերափոխվել է կյանքին սպառնացող սեպսիսի:

Այս տարվա հունվարյան մի առավոտ նա սկսել է դժվարությամբ շնչել: Կինն անմիջապես հիվանդանոց է գնացել, որտեղ պարզվել է, որ նրա մոտ մրսածության հետեւանքով բարդություններ են առաջացել՝ վիրուսային եւ բակտերիալ թոքաբորբ: Թոքաբորբի հետեւանքով Տիֆանիի մոտ սեպսիս է զարգացել, եւ նա շուտով կոմայի մեջ է ընկել: Իսկ երբ ուշքի է եկել, նրան հայտնել են, որ ստիպված են եղել իր ձեռքերը եւ ոտքերն անդամահատել:

Ակտիվ կյանք վարող Տիֆանիի համար, որը սիրում էր պարել եւ սնոուբորդինգով զբաղվել, այս նորությունը ցնցող էր:

Տիֆանին դեղամիջոցներ է ընդունել, որոնք ճնշել են իմունային համակարգի աշխատանքը, քանի որ նրա մոտ առկա էր արթրիտի ծանր ձեւի նկատմամբ գենետիկ նախահակվածություն: Ըստ երեւույթին, սա էլ հենց սովորական մրսածությունից հետո այդպիսի բարդությունների է բերել:

Տիֆանիի փեսացուն՝ Մոալը, պատմել է, որ երբ նա հիվանդանոցում էր, ընդամենը մի քանի օրում նրա ողջ մնալու հավանականությունը 70 տոկոսից հասել է մինչեւ 15 տոկոսի, եւ բժիշկներն իրեն խորհուրդ են տվել հուղարկավորության պատրաստվել:

«Դա շատ սարսափելի էր, բայց ես գիտեի, որ նա կհաղթահարի: Նա ուժեղ մարդ է, եւ ես չէի հավատում, որ կմահանա,- ասել է Մոալը: - Անկեղծ ասած, մենք ծրագրել էինք ամուսնանալ, եւ ես գիտեի, որ մենք աշխարհում ամենից շատ ցանկանում էինք, որ մեր ամուսնության ծրագրերն իրականանան»:

Տիֆանին եւ Մոալը 4-ից մինչեւ 27 տարեկան 6 երեխա ունեն. 3-ը Տիֆանիի, 3-ը՝ Մոալի, եւ եւս մեկին որդեգրել են: Ամուսնության ծրագրերից զույգը չի հրաժարվել եւ նախատեսում է ամուսնանալ մոտ ապագայում: Իսկ առայժմ նրանք Go Fund Me կայքում ֆանդրեյզինգ են կազմակերպել՝ Տիֆանիի համար պրոթեզներ գնելու համար. դրանք արժեն 225 հազար դոլար, իսկ ապահովագրությունը դրանց դիմաց չի վճարում:

«Նա ձեռքեր ու ոտքեր ունի, թե ոչ՝ ես նրա հետ կլինեմ, քանի որ նրան սիրում եմ: Նա անհանգստանում էր, թե իրեն ինչպես կվերաբերվեմ անդամահատումնից հետո, սակայն ոչ մի բան չի փոխվել: Ես նրան ասացի, որ ես կլինեմ իր ձեռքերն ու ոտքերը»,- ասել է Մոալը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է