• Latest news

Գիտնականները սպիտակուց են գտել, որը ճնշում է քաղցկեղի զարգացումը

23 մարտի, 2018  13:15

Գիտնականները գտել են նոր հակաքաղցկեղային LHPP սպիտակուցը, որը կանխում է լյարդում չվերահսկվող չարորակ բջիջների բազմացումը:

Ինչպես հայտնում է MedicalXpress-ը, գոյություն ունեն ուռուցքների սուպրեսոր գեներ, դրանք այն սպիտակուցներն են կոդավորում, որոնք նպաստում են բջիջների չարորակի վերափոխման կանխմանը: Սակայն հաճախ նորագոյացության մեջ դրանք ոչ արդյունավետ են դառնում, ինչն արագացնում է քաղցկեղի զարգացումը եւ նվազեցնում հիվանդի վերապրելիության հնարավորությունը:

Գիտնականներն օգտագործել են մկան հեպատոցելյուլյար կարցինոմայի մոդելը եւ 4 հազար սպիտակուցների ակտիվությունը համեմատել են առողջ ու ախտահարված հյուսվածքներում: Պարզվել է, որ ուռուցքային հյուսվածքներում դիտվել է LHPP գիստիդին-ֆոսֆատազի դեֆիցիտ: Ըստ որում՝ մարդկանց բջիջներում սպիտակուցի մակարդակն ուղղակիորեն կապված էր հիվանդության ծանրության եւ կյանքի տեւողության հետ: Միացության ամբողջական բացակայության դեպքում հիվանդները մյուս հիվանդներից միջինը 2 տարի ավելի վաղ էին մահանում:

Ցույց է տրվել, որ մկների մոտ ուռուցքի մեջ ներարկված լրացուցիչ ԴՆԹ-ն, որը կոդավորում է սուպրեսորը, կանգնեցրել է չարորակ հյուսվածքի աճը եւ պաշտպանել լյարդի ճիշտ գործառնությանը: Ֆերմենտի ազդեցության մեխանիզմը բացատրվում է հանգամանքով, որ այն հեռացնում է սպիտակուցներում ամինաթթվային գիստիդինի հետ կապված ֆոսֆատային խմբերը: Դրա բացակայությամբ սկսվում է գլոբալ ֆոսֆորացում, որի արդյունքում որոշ միացություններ ուռուցքածին են դառնում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է