Ապրիլի 13-ին, ժամը՝ 19։00-ին, Արամ Խաչատրյան համերգասրահում տեղի կունենա «Բարությունը հիմա է, այստեղ» խորագրով բարեգործական համերգ։ Այս մասին այսօր՝ ապրիլի 10-ին, մամուլի ասուլիսի ժամանակ ասաց «Օգնենք հայ մանուկներին» ՀԿ-ի անդամ Լուսինե Դաշյանը։
Համերգին ելույթ կունենան սիրված արտիստներ Արամ MP3-ն, Քրիստինե Պեպելյանը, Սոնա Ռուբենյանը, «Նեմրա»-ն, «Գողթ»-ը, «Միքայել Ոսկանյան եւ ընկերներ»-ը «Կարինա Առուստամյան եւ The Bend»-ը։
Լուսինե Դաշյանը նշեց, որ տոմսերի մեծ մասն արդեն վաճառված է, սակայն դեռ կարող եք ձեռք բերել www.tomsarkgh.am կայքի միջոցով։ Տոմսերի արժեքը 2000-10000 դրամ է։
«Բարություն անելը հեշտ է եւ կարեւոր, բայց ամենակարեւորը մարդ լինելն է, իսկ մարդ լինելը մենք սահմանում ենք բարության տեսքով»,- իր խոսքում նշեց բարերար Ելենա Բաղդասարյանը՝ կոչ անելով բոլորին մասնակցել ապրիլի 13-ին կայանալիք համերգին։
Համերգից գոյացած ողջ հասույթն օգտագործվելու է նյարդաբանական խնդիրներ ունեցող երեխաների բուժմանն աջակցելու նպատակով։
Լուսինե Դաշյանը նշեց, որ իրենց կազմակերպությունն աշխատում է թափանցիկ եւ թերեւս դա է գրավականը, որ շատ հայտնի մարդիկ պատրաստակամ մասնակցում են համերգին։ Փոխանցված գումարների հաշվետվությունը կտեղադրվի ՀԿ-ի ֆեյսբուքյան էջում։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր