• Latest news

Վտանգավո՞ր է արդյոք մաստակ կուլ տալը

12 ապրիլի, 2018  21:34

Բոլորս, հավանաբար, լսել ենք պատմություններ այն մասին, թե որքան վտանգավոր է մաստակ կուլ տալը: Բայց իրականում դա արդյոք այդքան վտանգավո՞ր է: Ամերիկացի գիտնականները մանրամասն ներկայացրել են, թե օրգանիզմում ինչ է հատկապես տեղի ունենում, երբ մարդն, այնուամենայնիվ, մաստակ է կուլ տալիս:

Այսօր մաստակը կուլ տալու մասին մեծ թվով առասպելներ կան. մեկն ասում է, որը մաստակը հավերժորեն կմնա ստամոքսի մեջ, մյուսները հավատում են որ մաստակից կաճի վտանգավոր նորագոյացություն: Իրականում, գիտնականների խոսքով, նման ոչ մի բան, բնականաբար, չի պատահի, սակայն դա չի նշանակում, որ մաստակը կարելի է պարբերաբար կուլ տալ:

Սկսենք նրանից, որ սնունդի ցանկացած օգտագործում բերում է ստամոքսում հայտնված կալորիան էներգիայի վերամշակելու պրոցեսի ակտիվացման: Ինչ-որ բան ծամելով՝ մենք այն մանրացնում ենք ոչ մեծ կտորների, որ ստամոքսի աշխատանքը հեշտացնենք, իսկ թուքը այս կտորները ծածկելով՝ ֆերմենտներով է ապահովում, որոնք անհրաժեշտ են քայքայման համար: Վերջապես կուլ տալուց հետո, գործին մասնակցում է ստամոքսահյութը, որը նույնպես սնունդը մշակում է:

Սակայն մաստակն այս բոլոր կանոններին չի ենթարկվում, քանի որ որքան էլ եռանդով ծամենք, այն մանր կտորների չի բաժանվում: Ստամոքսում հայտնվելով՝  մաստակը կրկնում է այլ օբյեկտների ճակատագիրը, որոնք մարդը չի կարողանում մարսել (ինչպիսին են եգիպտացորենը կամ արեւածաղկի սերմերը): Մարսողական համակարգի մկաններն այս մթերքներն ուղղակի միախառնում են ըստ աղիների համակարգի, եւ մեկ-երկու օրից դրանք դուրս են գալիս: Այս պատճառով մաստակը, բնականաբար, աղիներին չի սոսնձվում եւ այնտեղ ընդմիշտ չի մնում, այն ժամանակի ընթացքում օրգանիզմից հեռանում է բնական ճանապարհով:

Սակայն մեծ թվով մաստակ կուլ տալու սովորությունը կարող է բերել մարսողական համակարգում դրանց կուտակման, որը կառաջացնի աղիների խցանում եւ ուժեղ փորկապություն: Բժշկությանը նման դեպքերը հայտնի են հենց մաստակի հաճախակի կուլ տալու պատճառով:

Այսպիսով, եթե պատահաբար մաստակը կուլ եք տվել, անհանգստանալու կարիք չկա, սակայն դա սովորություն մի դարձրեք:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է