• Latest news

Էստրոգենները կօգնեն կանխել կանանց 2-րդ տիպի դիաբետը

14 ապրիլի, 2018  19:43

Էստրոգենները կօգնեն կանխել հետդաշտանադադարի փուլում գտնվող կանանց 2-րդ տիպի դիաբետը։ Այսպիսի եզրահանգման են եկել եվրոպացի գիտնականները։ Նրանք պարզել են, որ էստրոգենը մեծացնում է գլյուկոզայի նկատմամբ հանդուրժողականությունը։ Հետազոտության արդյունքները հրապարակվել են JCI Insight գիտական ամսագրում։ 

Նախորդ հետազոտությունները ցույց են տվել, որ դաշտանադադարից հետո կանայք կարող են կանգնել 2-րդ տեսակի  դիաբետի մեծ վտանգի առաջ։ Սա բացատրվում է հորմոնալ փոփոխություններով, ինչպիսին էստրոգենների մակարդակի նվազումն է։

Գիտնականներն ուսումնասիրել են, թե կարող է արդյոք էստրոգեն փոխարինող թերապիան օգնել կանխել հետդաշտանադադարի փուլում գտնվող կանանց 2-րդ տիպի  դիաբետը։ Սակայն, հստակ մեխանիզմները, որոնց օգնությամբ էստրոգենը պաշտպանում է 2-րդ տիպի դիաբետից, դեռեւս հայտնի չեն։

Գիտնակնները հետազոտությունում օգտագործել են հետդաշտանադադարի փուլում գտնվող մկների էստրոգեն։ Նոր հետազոտությունում գիտնականներն ուսումնասիրել են, թե ինչպես է հորմոնն ազդում գլյուկագոն արտադրող բջիջների վրա՝ հորմոնի, որն ավելացնում է գլյուկոզայի մակարդակը արյան մեջ։

«Իսկապես, եթե ենթաստամոքսային գեղձը ինսուլին է արտադրում, ապա արգելափակում է նաեւ գլյուկագոնը, որը հակառակ ազդեցությունն է ունենում։ Այս պատճառով դիաբետը պայմանավորված է արյան մեջ գլյուկոզայի մակարդակը վերահսկող այս երկու հորմոննների դիսբալանսով»,-նշել է Ժակ Ֆիլիպը (Jacques Philippe)։

Գիտական աշխատանքի արդյունքները ցույց են տվել, որ ենթաստամոքսային գեղձի ալֆա-բջիջները կամ բջիջները, որոնք գլյուկագոն են արտադրում, շատ զգայուն են էստրոգենի նկատմամբ՝ հորմոնը ստիպում է նրանց ավելի քիչ գլյուկագոն արտադրել, բայց ավելի շատ GLP1 հորմոն։ Մասնավորապես, GLP1-ը եւս ազատ է արձակվում է աղիքների կողմից ուտելուց հետո, այն նպաստում է ինսուլինի սեկրեցիային, արգելափակում է գլյուկագոնի սեկրեցիան եւ ավելացնում է հագեցվածության զգացումը:

«Աղիքներում կան L-բջիջներ, որոնք շատ նման են ենթաստամոքսային գեղձի ալֆա-բջիջներին, որոնց հիմնական գործառույթը GLP1 արտադրելն է։ Մենք նաեւ դիտարկել ենք աղիների բջիջներում GLP1-ի արտադրության ավելացումը, որը ապացուցում է աղիների ունեցած վճռորոշ դերը ածխաջրային հավասարակշռության վերահսկողության եւ մետաբոլիտների վրա էստրոգենների ազդեցության հարցում»,- բացատրում է հետազոտության հեղինակ Սանդրա Հանդգրաաֆը (Sandra Handgraaf) Ժնեւի համալսարանից (University of Geneva):

Հայտնի է, որ հորմոններին փոխարինող թերապիան կապված է դաշտանադադարի փուլում գտնվող կանանց առողջության վտանգի հետ։ Այնուամենայնիվ, դաշտանադադարից հետո մի քանի տարվա ընթացքում էստրոգեններին փոխարինող թերապիայի անցկացումը չի ավելացնում սրտանոթային հիվանդությունների վտանգը։ Սա եւս կարող է նպաստել 2-րդ տեսակի  դիաբետի ռիսկի նվազեցմանը։  

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է