• Latest news

Կրծքի քաղցկեղի բուժումը կախված է տեսակից, ոչ թե փուլից. մասնագետ

18 ապրիլի, 2018  20:40

Կրծքագեղձի քաղցկեղի բուժումն անհրաժեշտ է որոշել՝ կախված հիվանդության տեսակից, ոչ թե դրա փուլից: Սակայն եթե քաղցկեղը ժամանակին է հայտնաբերվել, եւ բուժման բոլոր մեթոդները հասանելի են, հիվանդության տեսակների մեծ մասի պարագայում կանխատեսումները շատ լավն են: Այս մասին NEWS.am Medicine-ի թղթակցի հետ զրույցում պատմել է ուռուցքաբան եւ գինեկոլոգ Կորնելիա Լիդտկեն (Գերմանիա):

Նախկինում մասնագետները կրծքի քաղցկեղի ընթացքի մասին կանխատեսումներ էին կատարում ըստ ուռուցքի չափերի եւ արդյոք ուռուցքը տարածվել է ավշային հանգույցների վրա: Բոլոր այս տվյալները, մասնագետի խոսքով, իհարկե, ազդում են կանխատեսումների վրա, սակայն բուժման ռազմավարությունը պետք է որոշել ոչ թե դրանից, այլ քաղցկեղի տեսակից, ուռուցքի կենսաբանական եւ մոլեկուլային յուրահատկություններից ելնելով: 

Մասնագետը հիշեցրել է, որ կրծքի քաղցկեղը մեկ հիվանդություն չէ, այլ մի քանի: Որոշ ուռուցքներ շատ հորմոնալ ընկալիչներ ունեն եւ զգայուն են հորմոնալ թերապիայի նկատմամբ, մյուսները զգայուն են միայն քիմիական թերապիայի նկատմամբ: Որոշ դեպքերում պացիենտներին անհրաժեշտ է միայն վիրաբուժական բուժում, իսկ մյուսներին բուժման մի քանի մեթոդների ամբողջություն:

Ուռուցքների մի քանի տեսակների վրա քիմիական թերապիան անհրաժեշտ ազդեցություն չի գործում, այդ պատճառով այդպիսի դեպքերում պացիենտին այդ բուժումը նշանակել եւ ստիպել նրան անցնել այդ ամբողջ կողմնակի ազդեցությունների միջով, չարժի:

Մասնագետի խոսքով՝ ժամանակակից ուռուցքաբանությունը ձգտում է ընտրել անհատականացված բուժում՝ կախված ուռուցքի տեսակից եւ բազմաթիվ այլ փաստերից:

«Այսօր կրծքի քաղցկեղի կանխատեսումներն ավելի լավ են, քան քաղցկեղի մյուս տեսակների պարագայում: Կրքի քաղցկեղով տառապող պացիենտների մեծ մասն ունի բուժման հնարավորություն, եթե, իհարկե, հիվանդությունն ախտորոշվել է ժամանակին, իսկ բուժման ժամանակակից բոլոր մեթոդները հասանելի են՝ ե՛ւ վիրաբուժությունը, ե՛ւ քիմիական թերապիան, ե՛ւ ճառագայթային թերապիան, ե՛ւ հորմոնալ թերապիան»,-նշել է Կորնելիա Լիդտկեն:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է