• Latest news

Որովայնի շրջանում ճարպային կուտակումները վտանգավոր են անգամ նորմալ քաշի դեպքում

23 ապրիլի, 2018  23:49

Շատերին թվում է, եթե նրանք նորմալ քաշ ունեն, ապա որովայնի շրջանում ճարպային կուտակումները վտանգավոր չեն: Իրականում, սակայն այսպես կոչված վիսցերալ կամ ներքին ճարպը սրտանոթային հիվանդությունների զարգացման վտանգի նույնպիսի գործոն է, ինչպես ճարպակալումը:

Այս մասին նշվում է նոր հետազոտության մեջ, որի արդյունքները ներկայացվել են Լյուբլյանայում Եվրոպական սրտաբանների հանրության (European Society of Cardiology) համաժողովում:

Ուսումնասիրությանը մասնակցել է Օլմսթեդ շրջանի 1692 բնակիչ: 1997-ից մինչեւ 2000 թվականը չափել են նրանց քաշը, հասակը, ազդրերի եւ գոտկատեղի շրջագիծը, որից հետո մինչեւ 2016 թվականը վերահսկել են սրտանոթային հիվանդությունների առկայությունը, ինչպիսիք են սրտի նոպաները կամ կաթվածը:

Ստացված տվյալների համաձայն՝ քաշի նորմալ ինդեքսով եւ որովայնի շրջանում ավելորդ ճարպով մեծահասակների մոտ սրտանոթային հիվանդությունների զարգացման վտանգը երկու անգամ ավել է եղել որովայնի շրջանում ավելորդ ճարպ չունեցողների համեմատ:

«Դուք պետք է գնաք բժշկի մոտ ձեր սրտանոթային համակարգի առողջությունը եւ ճարպի բաշխումը գնահատելու համար, եթե ձեր կազմվածքը «խնձորի» ձեւ ունի՝ գոտկատեղն ավելի լայն է, քան կոնքը», – ասել է հետազոտության ղեկավար Խոսե Մեդինա-Ինոխոսան Մինեսոտայի Մայո կլինիկայից:

Գոտկատեղի շրջանում ավելորդ ճարպը կոչվում է կենտրոնական կամ ներքին ճարպակալում:

Այն առաջին հերթին կապված է քիչ մկանային զանգվածի հետ եւ վկայում է առողջության վատ վիճակի մասին: Այս դեպքում որովայնի ներսում մեծ քանակությամբ ճարպ է գոյանում, որը շրջապատում է ներքին օրգանները: Այն կուտակլվում է նստակյաց կենսակերպի կամ սթրեսների դեպքում:

Առողջության համաշխարհային կազմակերպությունը կենտրոնական ճարպակալումը որոշում է որպես գոտկատեղի շրջագծի հարաբերակցություն կոնքի շրջագծին 0.9 եւ բարձր (տղամարդկանց համար), 0.85 եւ բարձր (կանանց համար) կամ մարմնի զանգվածի ինդեքս 30 եւ ավելին:

Նոր տվյալները կասկածի տակ են դնում միայն մարմնի զանգվածի ինդեքսից ընթացիկ կախվածությունը առողջ քաշի որոշման ժամանակ: Մարմնի զանգվածի նորմալ ինդեքսով մարդիկ (18.5-ից մինչեւ 24.9) չպետք է ավտոմատ կերպով բացառվեն ռիսկային խմբից, քանի որ այս ցուցանիշը ցույց չի տալիս, թե որտեղից է առաջանում քաշը, ինչպես նաեւ մկանային զանգվածի եւ ավելորդ ճարպի քանակը: Գիտնականները կարծում են, որ առողջության վիճակի լավագույն գնահատականը կարող են տալ գոտկատեղի չափի եւ մարմնի զանգվածի ինդեքսի ցուցանիշի իմացությունը:

Կենտրոնական ճարպակալման դեպքում նպատակը գոտկատեղի ծավալի փոքրացումն է, ոչ թե քաշի կորուստը: Դրա համար անհրաժեշտ է.

հրաժարվել վատ սովորություններից,

պարբերաբար մարզվել (առնվազն 150 րոպե )

առողջ դիետա, որը ներառում է անյուղ միս, ընկույզներ, լոբազգիներ, տարբեր տեսակի բանջարեղեն, ամբողջական ցորենից տարբեր տեսակի մթերքներ:

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել