• Latest news

Ձկան յուղը կարող է ուղեղը սթրեսից պաշտպանել. հետազոտություն

24 ապրիլի, 2018  17:02

Ձկան յուղով սննդային հավելումները կարող են ուղեղը պաշտպանել քրոնիկական սթրեսից: Այս մասին հայտնում են John's Hopkins University-ի գիտնականները:

Նրանք ձկան յուղով մի քանի սննդային հավելումները հետազոտել են փրկարարների մոտ հետվնասվածքային սթրեսային խանգարման զարգացումը կանխարգելելու գործում, որոնք զբաղվել են Ճապոնիայում 2011 թվականին աղետալի երկրաշարժի հետեւանքների վերացմամբ: Հետազոտությունը ցույց է տվել, որ սննդային հավելումներում Օմեգա-3 ճարպաթթուները կարող են օգնել վնասի վերականգնմանը, որն ուղեղում վնասվածքային իրադրություններ է առաջացնում:

Հետազոտողները ենթադրում են նաեւ, որ սննդային այս հավելումները կարող են ուղեղը պաշտպանել քրոնիկական սթրեսի բացասական ազդեցությունից:

Քրոնիկական սթրեսը ուղեղի նյարդային համակարգի մշտական ակտիվության հետեւանքն է, որն ամբողջ օրգանիզմի վրա բացասական ազդեցություն է ունենում: Ախտանիշները նման են նրանց, որոնք դիտվում են հետվնասվածքային սթերսային խանգարման ժամանակ:

Հետվնասվածքային սթրեսային խանգարման զոհերը հաճախ են հայտնել, որ ձկան յուղն իրենց օգնում է նվազեցնել դեպրեսիայի, ագրեսիայի եւ տագնապային վիճակի ախտանիշները: Առաջին անգամ 2005 թվականին են Օմեգա-3 ճարպաթթուները կապել հետվնասվածքային սթրեսային խանգարման զոհերի շրջանում ախտանիշների վատթարացման հետ: Այդ ժամանակ պարզվել էր, որ ձկան յուղ ստացող հիվանդներն իրենց կյանքում աղետալի իրադարձություններից հետո մի քանի ամիսների ընթացքում էականորեն ավելի հազվադեպ են բախվել խանգարման ախտանիշների հետ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել