• Latest news

ԱՄՆ-ում դեռահասը կոմայից դուրս է եկել նրա օրգանները այլ կյանքերի փրկության համար տալու որոշումից հետո

8 մայիսի, 2018  15:38

ԱՄՆ Ալաբամա նահանգում ֆանտաստիկ պատմություն է արձանագրվել, հայտնում USA Today-ը: Այնտեղ, ի զարմանս բժիշկների, գիտակցության է եկել գանգուղեղային ծանր վնասվածքով 13-ամյա դեռահասը, որը 4 կլինիկական մահ էր տարել, որոնցից վերջինը տեւել էր 15 րոպեից ավելի եւ կոմայից դուրս է եկել՝ բժիշկներին զարմանք պատճառելով: Բժիշկները Թրենթոն Մաքքինլիի ծնողներին համոզել էին, որ նրա ուղեղի գործունեությունն այլեւս չի վերականգնվի, եւ առաջարկել էին երեխայի օրգանները դրա կարիքն ունեցող 5 հիվանդներին փոխպատվաստելու համար օգտագործելու համաձայնագիր ստորագրել: Արդեն պատրաստվում էին նրան անջատել արհեստական կենսապահովման համակարգից, երբ տղան սկսել է կյանքի նշաններ ցույց տալ: Այնուհետեւ նա սկսել է խոսել, ապա հիվանդանոցային մահճակալից ոտքի է կանգնել, իսկ հիմա… բասկետբոլ է խաղում:

Թե՛ ծնողները, թե՛ կլինիկայի անձնակազմը տեղի ունեցածը ոչ այլ կերպ, քան հրաշք են անվանում՝ մեռյալներից հարություն առնելը բժշկական բացատրություններ չունի:

Ինքը տղան ասում է, որ ոչինչ չի հիշում այն սարսափելի օրվա մասին, երբ հանգիստ ընթանում էր բեռնատարի կցորդում, որն անսպասելի կողաշրջվել է: Հարվածը հասել է Թրենթոնի ուղիղ գլխին: Գանգոսկրերի 4 կոտրվածքներով նրան հիվանդանոց են տեղափոխել անգիտակից վիճակում: Բժիշկներն անկեղծորեն խոստովանել են՝ եթե տղայի սիրտը 5-րդ անգամ կանգ առնի, իրենք այլեւս նրան փրկել չեն կարողանա: Եվ ծնողներին համոզել են համաձայնագիր ստորագրել իրենց որդու օրգանների հետմահու դոնորության համար:

«Ես գիտեի, որ Թրենթոնը դեմ չի լինի՝ փրկել 5 ուրիշների կյանքը»,- այդ ժամանակ ասել է նրա մայրը՝ Ջենիֆերը: Տղան, սակայն, այլ կերպ է որոշել: Նա ասում է, որ «դրախտում է եղել»: «Սա Աստծո կամոք էր»,- հիմա ասում է Ջենիֆերը: Նրա որդու հիշողությունն ամբողջությամբ վերականգնվել է, նա ցանկանում է ուսմանը վերադառնալ եւ արդեն հաճախում է հիվանդանոցի մարմնամարզության դահլիճ: Նույնիսկ զամբյուղի մեջ 4 գնդակ է նետել: Ճիշտ է, հիմա տղան հատուկ պաշտպանիչ սաղավարտ է հագնում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է