• Latest news

«Իմունոդեֆիցիտի վիրուսի զարմիկը» լուրջ սպառնալիք է ներկայացնում․ գիտնականներ

10 մայիսի, 2018  10:49

T-մարդու լիմֆոտրոպային  վիրուսը (HTLV-1), որը նաեւ կոչում են «մարդու իմունոդեֆիցիտի վիրուսի զարմիկ», օրեցօր ավելի շատ մարդկանց է ախտահարում  ու լուրջ սպառնալիք է ներկայացնում ամբողջ մոլորակի համար՝ այդ վիրուսով արդեն վարակված է Հյուսիսային Ավստրալիայի որոշ շրջանների բնակչության 40 տոկոսը։

Մասնագետները, այդ թվում պրոֆեսորը, որը բացահայտել է այս վիրուսը 40 տարի առաջ, տագնապ են ազդարարում HTLV-1 կոչվող հիվանդության բուժման ու կանխարգելիչ միջոցառումների բացակայության պատճառով։

«Վիրուսի տարածումը պարզապես ծայրահեղ չափերի է հասել»,- հավաստիացնում է բժիշկ Ռոբերտ Գալլոն՝ Institute of Human Virology at the University of Maryland School of Medicine  ինստիտուտի տնօրենը, որի լաբորատորիայում 1979-ին առաջին անգամ հայտնաբերվել է HTLV-1 վիրուսը։

Նրա խոսքով՝ այս տարիներին  գրեթե ոչինչ չի արվել վիրուսի բուժման միջոց կամ պատվաստանյութ մշակելու ուղղությամբ։

HTLV-1-ը հին ԴՆԹ- վիրուս է, որը հայտնաբերվել է 1500 տարեկան անդյան մումիաներում։ Այն կարող է մորից երեխային փոխանցվել ներարգանդային ճանապարհով, կրծքով կերակրելիս, նաեւ՝ սեռական ճանապարհով, արյան միջոցով։ Հայտնվելով մարդու օրգանիզմում՝ այն կարող է ախտահարել նյարդային համակարգը, թոքերը, հանգեցնել լեյկոզների ու լիմֆոմաների (արյան չարորակ հիվանդություններ) զարգացմանը։

«Վիրուսը առաջացնում է բրոնխոէկտազներ։ Մարդիկ մահանում են բրոնխոէկտազների ու HTLV-1 ինֆեկցիայի  համադրությունից, բայց ո՞ւր է արձագանքը։ Եթե մենք չենք տեսնում արձագանք, կարելի՞ է արդյոք ասել, որ այդ վիրուսն ու հիվանդությունը անտեսվում են»,- ասում է Գալլոն։ Միաժամանակ նա նշում է, որ հաշվի առնելով վիրուսի տարածման հայտնի ուղիները, պետք չէ ակնկալել դրա սրընթաց տարածում ամբողջ աշխարհում։

Հիմա վիրուսը ստացել է հսկայական տարածում Ավստրալիայի որոշ շրջաններում։ Այն նաեւ հանդիպում է Ճապոնիայի հարավ-արեւմուտքում, Կարիբյան ավազանի որոշ մասերում, Հարավային Ամերիկայում (Բրազիլիա, Պերու, Կոլումբիա, Ֆրանսիական Գվիանա), Աֆրիկայում (Հարավային Գաբոն ), Մերձավոր արեւելքի որոշ շրջաններում, Ռումինիայում։ Մյուս վայրերում վիրուսի տարածումը ցածր մակարդակի վրա է։

HTLV-1 վիրուսի համար սքրինինգ իրականացվում է միայն Ճապոնիայում, դրա ներդրումը քննարկվում է Անգլիայում ու Ճամայկայում։ ԱՄՆ-ում, Ավստրալիայում ու որոշ այլ երկրներում հաճախ են ստուգում այդ վիրուսի առկայությունը դոնորական արյան, հյուսվածքների ու օրգանների մեջ։

«Այսպիսով՝ մենք ունենք մի իրավիճակ, որտեղ մարդը կարող է արյուն ստանալ HTLV-1-ով վարակված դոնորից։ Դա հանրային առողջության հարց է,- ասում է նա: - Մենք պետք է շտապ լրացնել բաց թողածը, մենք պետք է շտապ ուշադրություն գրավենք HTLV-1-ի խնդրի վրա»։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է