• Latest news

Ո՞ր մթերքներն են հատկապես օգտակար ուղեղի համար

20 մայիսի, 2018  11:27

40 տարեկանից հետո ուղեղի ծավալը յուրաքանչյուր տասնամյակում նվազում է մոտ 5 տոկոսով։ Դրանից տուժում են մարդու մտավոր ֆունկցիաները։ Նոր հետազոտության ընթացքում Erasmus University Medical Center կենտրոնի աշխատակիցները պարզել են, թե որ մթերքներն են նպաստում ուղեղի ծավալի պահպանմանը։

Հետազոտությանը, որը հրապարակվել է Nature Ecology & Evolution ամսագրում, մասնակցել է 4213 մարդ (միջինը 66 տարեկան), որոնք թուլամտությունից չեն տառապում։ Կամավորները պատմել են, թե ինչ են իրենք կերել մեկ ամսվա ընթացքում։ Մասնագետները գնահատել են մասնակիցների սննդակարգերը՝ 0-ից 14 բալանոց սանդղակով։ Կամավորները միջինը 7 բալ են ստացել։ Ամենաառողջարար սննդակարգերը ներառում էին բազմաթիվ մրգեր, բանջարեղեն, ամբողջահատիկ մթերքներ, կաթնամթերք, ձկնեղեն ու շատ քիչ քաղցր ըմպելիքներ։

Գիտնականները նաև մասնակիցներին մագնիս ռեզոնանսային տոմոգրաֆիա են արել։ Սականավորումը ցույց է տվել, որ կամավորների ուղեղի ընդհանուր միջին ծավալը կազմել է 932 միլիլիտր։ Նաև հետազոտողները հայտանաբերել են վնասվածքներ ուղեղում ու հավաքել տեղեկություններ այլ գործոնների մասին, որոնք կարող էին ազդել ուղեղի ծավալի վրա՝ ինչպիսիք են հիպերտոնիան, ծխելը ու ֆիզիկական ակտիվության մակարդակը։

Հետազոտողները պարզել են, որ մյուս գործոնները հաշվի առնելու դեպքում՝ առավել առողջարար սննդակարգերն են կապակցված եղել ուղեղի ավելի մեծ ծավալի հետ։ Մասնավորապես այն մասնակիցները, որոնք նման սննդակարգեր էին պահպանում, միջինը 2 միլիլիտրով մեծ ուղեղի ծավալ ունեին։Ուղեղի համար ամենաօգտակար մթերքներն են եղել բանջարեղենը, ընդեղենն ու ձուկը։ Սակայն մասնագետները շեշտում են, որ պետք է ընդհանուր առմամբ ճիշտ սնվել, այլ ոչ թե պարզապես այդ մթերքներն ավելացնել ճաշացանկում։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է